Month: November 2024

ខេត្តរនគិរី ៖ នៅព្រឹកថ្ងៃទី២៧ ខែវិច្ឆិកាឆ្នាំ២០២៤គណៈកម្មាធិការ រណសិរ្សមាតុភូមិវៀតណាមខេត្តកន្ទូម នៃសាធារណៈរដ្ឋសង្គមនិយមវៀតណាម និងគណៈកម្មាធិការរណសិរ្សសាមគ្គីអភិវឌ្ឍន៍មាតុភូមិកម្ពុជា ខេត្តរតនគិរី នៃព្រះរាជាណាចក្រកម្ពុជា បានរៀបចំកិច្ចប្រជុំវាយតម្លៃលទ្ធផលនៃការអនុវត្តខ្លឹមសារកំណត់ហេតុស្តីពីកិច្ចសហប្រតិបត្តិការការងាររណសិរ្ស ដែលបានចុះហត្ថលេខា នៅថ្ងៃទី២៤ ខែធ្នូ ឆ្នាំ២០១៨ នៅក្រុងបានលុង ខេត្តរតនគិរី កិច្ចប្រជុំនេះប្រារព្ធធ្វើឡើងនៅ ខេត្តកន្ទូម នៃ សាធារណៈរដ្ឋសង្គមនិយមវៀតណាមក្រោម អធិបតីភាព ឯកឧត្តម ងិន ណែល អភិបាលរង នៃគណៈអភិបាលខេត្ត តំណាង ឯកឧត្តម ញ៉ែម សំអឿន អភិបាលខេត្តរតនគិរី និងជាប្រធានគណៈកម្មាធិការ​រណសិរ្សសាមគ្គីអភិវឌ្ឍន៍​មាតុភូមិ​កម្ពុជា​ខេត្តរតនគិរី និងលោកជំទាវ អ៊ី ប៊ិចធម៌ សមាជិកអចិន្ត្រៃយ៍គណៈកម្មាធិការបក្សខេត្ត ប្រធានគណៈកម្មាធិការរណសិរ្សមាតុភូមិ​វៀតណាម ខេត្តកន្ទូម។ នៅក្នុងកិច្ចប្រជុំនេះ ភាគីទាំងពីរបានពិភាក្សាវាយតម្លៃលទ្ធផលនៃការអនុវត្តខ្លឹមសារកំណត់ហេតុដំណាក់កាលឆ្នាំ (២០១៩-២០២៤)និងបានឯកភាពគ្នាបន្តកិច្ចសហប្រតិបត្តិការ ២០២៤-២០២៩ដែលមានខ្លឹមសារចំនួន៣ ដូចខាងក្រោម៖ ១.ភាគីទាំងពីរបន្តផ្សព្វផ្សាយឲ្យបានទូលំទូលាយ ជូនប្រជាជននៅតាមបណ្តាភូមិ ឃុំ នៃស្រុកជាប់ព្រំដែន របស់ខេត្តទាំងពីរនូវចំណងសាមគ្គីភាព មិត្តភាព និងកិច្ចសហប្រតិបត្តិការលើគ្រប់វិស័យរវាងកម្ពុជា-វៀតណាម ដើម្បីនាំមកនូវការអភិវឌ្ឍន៍រួមរបស់ប្រទេសនីមួយៗ។ ទន្ទឹមនឹងនោះជំរុញការផ្លាស់ប្តូរសកម្មភាព និងចងសម្ព័ន្ធមេត្រីភាពរវាង ភូមិ ឃុំ […]

ខេត្តរតនគិរី៖ ជនសង្ស័យចំនួន២នាក់ត្រូវបានសមត្ថកិច្ចជំនាញធ្វើការឃាត់ខ្លួនពាក់ព័ន្ធករណីរក្សាទុក ជួញដូរ និងប្រើប្រាស់នូវសារធាតុគ្រឿងញៀន។ ក្នុងនោះដោយមានការយកចិត្តទុកដាក់ ពីលោកកង សារឿន អភិបាល នៃគណ:អភិបាលស្រុកបរកែវ ស្ដីពីការបង្ការទប់ស្កាត់បញ្ហាគ្រឿងញៀននៅក្នុងភូមិស្រុកបរកែវ និងមានការបញ្ជារផ្ទាល់ពីលោកវរសេនីយ៍ឯក ជួប វណ្ណារក្ស អធិការ នៃអធិការដ្ឋាននគរបាលស្រុកបរកែវ។ ប្រតិបត្តិការនេះ បានធ្វើឡើងកាលពីថ្ងៃទី២៦ ខែវិច្ឆិកា ឆ្នាំ២០២៤ នៅចំណុចចម្ការស្វាយចន្ទី ស្ថិតក្នុងភូមិប៉ាអរ ឃុំលុងឃុង ស្រុកបរកែវ។ ដោយសមត្ថកិច្ចជំនាញផែនប្រឆាំងគ្រឿងញៀន នៃអធិការដ្ឋាននគរបាលស្រុកបរកែវ ដឹកនាំដោយលោកអនុសេនីយ៍ឯក ភ្លុក វិចិត្រ សហការណ៍ជាមួយកម្លាំងវេនប្រចាំបញ្ជារ និងដោយមានការសម្របសម្រួលនិតិវិធីពីលោក លាង អ៊ូ ព្រះរាជអាជ្ញារង នៃអយ្យការអមសាលាដំបូងខេត្តរតនគិរី។ យោងតាមរបាយការណ៍របស់សមត្ថកិច្ចបានបញ្ជាក់ថា នៅថ្ងៃទី២៦ ខែវិច្ឆិកា ឆ្នាំ២០២៤ វេលាម៉ោង ៤និង១០នាទីល្ងាច កម្លាំងនគរបាលផ្នែកប្រឆាំងគ្រឿងញៀនស្រុកបរកែវ សហការណ៍ជាមួយកម្លាំងនគរបាលវេនប្រចាំបញ្ជារនៃអធិការដ្ឋាននគរបាលស្រុកបរកែវ បានចុះ បង្ក្រាបករណីជួញដូរគ្រឿងញៀននៅចំណុចចម្ការស្វាយចន្ទីមួយកន្លែង ក្បែរភូមិប៉ាអរ ឃាត់ខ្លួនជនសង្ស័យចំនួន២នាក់ និងធ្វើការឆែកឆេរលើដងខ្លួនជនសង្ស័យរកឃើញគ្រឿងញៀនចំនួន៤កញ្ចប់ នៅក្នុងការបូបស្ពាយរបស់ជនសង្ស័យឈ្មោះ លឹង ម្លាក ក្រោយពីធ្វើការឃាត់ខ្លួន និងឆែកឆេររួចសមត្ថកិច្ចយើងក៏យកជនសង្ស័យមកអធិការរដ្ឋាននគរបាលស្រុកបរកែវ ដើម្បីសួរនាំ និងអនុវត្តតាមនិតិវិធីច្បាប់។ របាយការណ៍បានបញ្ជាក់ទៀតថាជនសង្ស័យ២នាក់ ១-ឈ្មោះ […]

ខេត្តមណ្ឌលគិរី ៖ ថ្ងៃអង្គារ ១១ រោច ខែកត្តិក ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី២៦ ខែវិច្ឆិកា ឆ្នាំ២០២៤​ លោក​ ងុិន​ សុវិមាន​ អភិបាលខេត្ត​ស្ដីទី​ បានអញ្ជើញអមដំណេីរឯកឧត្តម នាយឧត្តមសេនីយ៍ ខ្វាន់ ស៊ាម អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ បញ្ជាការដ្ឋានវិស្វកម្ម​ អញ្ជើញត្រួតពិនិត្យ​ ផ្លូវខ្សែក្រវាត់ព្រំដែនកម្ពុជា -វៀតណាម ស្ថិតនៅភូមិសាស្រ្ត​ ស្រុកអូររាំង​ និងស្រុកពេជ្រាដា ខេត្តមណ្ឌលគិរី​ ដោយមានអញ្ជេីញចូលរួមពីសំណាក់​ គណៈប្រតិភូបញ្ជាការដ្ឋានវិស្វកម្ម​ នាយទាហានជំនាញ​ លោកនាយកអន្តរវិស័យ​ លោកអភិបាលរងស្រុក​ និងមន្ត្រីជំនាញពាក់ព័ន្ធ​៕

ខេត្តមណ្ឌលគិរី ៖ នៅព្រឹកថ្ងៃអង្គារ ១១ រោច ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៦ ខែវិច្ឆិកា ឆ្នាំ២០២៤ ឯកឧត្តម យីម លុច្ស សមាជិកក្រុមប្រឹក្សាខេត្តតំណាងដ៏ខ្ពង់ខ្ពស់ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត លោក ជាក់ ម៉េងហ៊ាង អភិបាលរង នៃគណៈអភិបាលខេត្ត តំណាងដ៏ខ្ពង់ខ្ពស់ឯកឧត្តម ថង សាវុន អភិបាល នៃគណៈអភិបាលខេត្ត បានអញ្ជើញជាអធិបតីក្នុង វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត នៅថ្នាក់ក្រុង ស្រុក សម្រាប់ឆ្នាំ២០២៤ ដោយមានការអញ្ជើញចូលរួមពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត លោក អភិបាលរងខេត្ត មេបញ្ជាការរង កងកម្លាំងទាំងបី លោក នាយករង រដ្ឋបាលសាលាខេត្ត លោក លោកស្រីប្រធាន-អនុប្រធានមន្ទីរ អង្គភាពជុំវិញខេត្ត ក្រុមប្រឹក្សាស្រុក លោក អភិបាល អភិបាលរង […]

ខេត្តមណ្ឌលគិរី៖ នៅព្រឹកថ្ងៃចន្ទ ១០ រោច ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ខែវិច្ឆិកា ឆ្នាំ២០២៤​ ខ្ញុំបាទសាន់​ ដារិទ្ធិតំណាងដ៏ខ្ពង់ខ្ពស់ឯកឧត្តមថង សាវុននិង អភិបាល នៃគណៈអភិបាលខេត្ត​ ឯកឧត្តម​ ម៉ៅ​ ថូរ៉ា​ រដ្ឋលេខាធិការ​ ក្រសួងពាណិជ្ជកម្ម​ បានអញ្ជើញជាអធិបតី​ ក្នុងកិច្ចប្រជុំផ្សព្វផ្សាយ ស្តីពី «កាណែនាំពីការឃោសនាបោះឆ្នោត និងចាប់លេខរៀងបេក្ខជនឈរ ឈ្មោះបោះឆ្នោ តសភាពាណិជ្ជកម្មខេត្តមណ្ឌលគិរីអណត្តិទី១ លើកទី១»​ ដោយមានការអញ្ជេីញចូលរួមពីសំណាក់​ លោកនាយករង​ រដ្ឋបាលសាលាខេត្ត​ មេបញ្ជាការរង​ ​កងកម្លាំងទាំងបី​ លោក​ លោកស្រី​ ប្រធាន​ អនុប្រធាន​ មន្ទីរអង្គភាព​ ពាក់ពន្ធ​ លោកអភិបាល​ អភិបាលរង​ក្រុង​ ស្រុក​ មេឃុំ​ ចៅសង្កាត់​ មន្ត្រីជំនាញពាក់ព័ន្ធ​ និងអាជីវករ​ កិច្ចប្រជុំនេះប្រព្រឹ្តទៅនៅសាលប្រជុំ​ សណ្ឋាគា​ ពេជ្រដា​ ខេត្ត​មណ្ឌលគិរី​៕

ខេត្តក្រចេះ ៖ ក្រោយពីបានស្ងប់ស្ងាត់មួយរយៈតូចក្នុងស្រុកឆ្លូង ក៏ដូចជាស្រុកនានាក្នុងខេត្តក្រចេះ​បើទោះបីជាច្បាប់បានការហាមឃាត់  និងមានបទបញ្ជារពីសម្តេច ហ៊ុន សែន អតីតនាយករដ្ឋមន្ត្រី សម្តេចបវរធិបតី ហ៊ុន ម៉ាណែត យ៉ាងណា ក៏នៅតែមានការបើកឱ្យលេងល្បែងស៊ីសងខុសច្បាប់ តាមប្រព័ន្ធ Online គ្រប់ប្រភេទ យ៉ាងអាណាធិបតេយ្យ រីកដូចផ្សិត នៅតាមបណ្តាស្រុកនានាក្នុងទីរួមខេត្តក្រចេះ  នេះបើតាមការឲ្យដឹងពីប្រជាពលរដ្ឋ ដែលបានថតរូបភាពផ្ញើមកកាន់អង្គភាពរបស់យើងខ្ញុំ។ ប្រភពពីសមត្ថកិច្ចនៅក្នុងស្រុកឆ្លូង  បានបង្ហើបប្រាប់ អង្គភាពខ្មែរឦសានយើងខ្ញុំថា  ទោះ​បីជាមានប្រជាពលរដ្ឋ ប្តឹងទៅសមត្ថកិច្ច ឬអាជ្ញាធរ ភូមិ ឃុំ ស្រុក ខេត្ត យ៉ាងណា ក៏នៅតែ​មិនមានសមត្ថកិច្ចមូលដ្ឋាន ឬមន្ត្រីពាក់ព័ន្ធណាមួយ​ចុះបង្រ្កាបដែរ  ព្រោះថា គ្រប់ទីតាំងល្បែងស៊ីសងតាមប្រព័ន្ធ Online ទាំងអស់ប្រហែលជាមានខ្សែ មានវល្ល៍ នៅពីក្រោយការបើកឲ្យ​លេង ម្យ៉ាងវិញទៀត វាជាឆ្នាំងបាយរបស់មន្ត្រីទាំងអស់នោះផងដែរ ។ ប្រភពព័ត៌មានពីពលរដ្ឋដែលសុំ​មិន​បញ្ចេញឈ្មោះបានប្រាប់​អង្គភាព​យើង​ខ្ញុំថា ទីតាំងល្បែង Online ទាំងនេះលេងបាននៅតាមភូមិ ស្រុកនានា ដោយគ្មានការរំខានពីសមត្ថកិច្ចជំនាញ ដួចជាលោកមេប៉ុស្តិ៍ នៅតាមបណ្តាស្រុកក្នុងខេត្តក្រចេះដែរ។ ប្រភពបន្តថា ពួកគាត់​សព្វថ្ងៃ​រក​ប្រាក់​ចំណូល​ប្រចាំថ្ងៃ​ស្ទើរ​តែ​ពុំ​បាន​ដើម្បី​បំពេញ​ជីវភាព​ប្រចាំថ្ងៃផង ដល់​តែ​ពេល​មាន​ល្បែង​ Online […]

ខេត្ត​ស្ទឹងត្រែង​៖ នៅរសៀលថ្ងៃទី ២៤ ខែ វិច្ឆិកា ឆ្នាំ២០២៤នេះ ក្រុម​ប្រជាពលរដ្ឋ​បានឱ្យដឹងថា សង្វៀនមាន់​ជល់​ចំនួន​ពីរ​ទីតាំង​សម្រាប់ចល័តចុះឡើងនៅ​ក្រុង​ស្ទឹងត្រែង ចាប់​បើក​លេង​ខ្នាត់​ទ្រង់ទ្រាយ​ធំ​ទៀត​ហើយ ដោយ​មាន​អ្នក​ចាំ​មើល​ផ្លូវ​ដាក់កៅអីអង្គុយ និងសម្របសម្រួលចរាចរណ៍ មិនឱ្យកក់ស្ទះដល់អ្នកទៅលេងល្បែងមាន់ជល់។ ទីតាំង​មាន់​ជល់​ស្ថិត​នៅ​ចំណុច​ចុងចំការ​ស្វា នៅ​ភូមិ​រាជានុកូល​ សង្កាត់​ក្រុង​ស្ទឹងត្រែង​ ខេត្ត​ស្ទឹងត្រែង​។​ ​ប្រជាពលរដ្ឋ​បាន​និយាយថា សង្វៀនមាន់​ជល់​ខាងលើ​នេះ​ គឺ​ខណៈ​ទ្រ​ង​ទ្រាយ​ធំ​ ដោយ​គេ​បាន​ឃើញ​មាន​ការចាក់​ភ្នាល់​លុយ​មាន់​មួយគូៗ​ចាក់​លុយ​ជា​ច្រើន​(​លាន​រៀល​) ហើយ​មិនតែប៉ុណ្ណោះ​ក្រុមអ្នកលេង​ទាំងអស់ បាន​ស្រែក​ហូ​អញ្ជៀ​វ​ឡើង​រំពង​ពពេញភូមិនេះ​តែម្តង​។​ ​ប្រជាពលរដ្ឋ​បាន​បង្ហាញ​ទៀតថា ម្ចាស់​បើក​សង្វៀនមាន់​ជល់​នៅ​ចំ​ខាងលើនេះ មានឈ្មោ លោក តាខ្វៃ និង​ឈ្មោះ លោក រ៉ូត អ្នក​ទាំង​ពីរ​នេះ​បាន​បើក​វង់​ល្បែងស៊ីសង​មាន់​ជល់​ខ្នាយ​ដែក​និង​ខ្នាយ​កាំបិត លេង​ទ្រ​ង​ទ្រាយ​ធំ ដោយ​ពួកគាត់​រំពឹង​ទៅលើ​សមត្ថ​កិ​ច​មួយចំនួន​ក្នុង​ខេត្ត​ស្ទឹងត្រែង  ល្បែងស៊ីសង​មាន់​ជល់​ភ្នាល់​លុយ​ទ្រ​ង​ទ្រាយ​ធំ នៅក្នុង​ក្រុង​ស្ទឹ​ត្រែង​ខេត្តស្ទឹងត្រែង​នេះ​។​ ​យ៉ាងណា​ ក៍ដោយ វង់ល្បែង​មាន់​ជល់​ទ្រ​ង​ទ្រាយ​ធំ​របស់​លោក តាខ្វៃ និង​លោក រ៉ូត ដែល​មាន​ទីតាំង​ពី​រ​កន្លែង​នៅ​ចំណុច​ភូមិ​រាជានុកូល ក្នុង​ក្រុង​ស្ទឹងត្រែង ខេត្តស្ទឹងត្រែង​ខាងលើនេះ ក្រោយពី​មាន​សេចក្តីរាយការណ៍​ពី​ពលរដ្ឋ​នៅ​ក្រុង​ស្ទឹងត្រែង។ អង្គភាពយើងខ្ញុំបានរាយការណ៍ជូនទៅលោកឧត្តមសេនីយ៍ត្រី ស្នងការ​រងទទួលផែនព្រហ្មទណ្ឌ នៃស្នងការរដ្ឋា​ន​នគរបាល​ខេត្ត​ស្ទឹងត្រែង លោក​បានឲ្យដឹងថា កម្លាំងជាប់រវល់បញ្ជូនអ្នកទោសទៅសួរចម្លើយ។  លោក​ និង​បញ្ជា​កម្លាំង​ឱ្យ​ចុះបង្ក្រាប​ភ្លាម បន្តថា លោក​រីករាយ​សហការ​ក្នុង​ការចុះ​ទប់ស្កាត់​ពាក់ព័ន្ធ​ករណី​បទល្មើស​ក្នុងស្រុក​ក្រុង​នៃ​ខេត្តស្ទឹងត្រែង​នេះ​ លោក​មិន​ឱ្យ​មាន​ល្បែងស៊ីសង​ទាំង​នេះ​កើតលើងឡើយ​។ […]

ខេត្តរតនគិរី ៖ ស្រុកកូនមុំ ដោយសារតែភាពអសកម្ម  គ្មាន ទំនោលខុសត្រូវ អង្គុយចាំតែបើកប្រាក់ខែរដ្ឋ របស់មន្ត្រីជលផល និងការបណ្ដែត បណ្ដោយ យ៉ាងអាណាធិបតេយ្យ របស់សមត្ថកិច្ចពាក់ព័ន្ធ ក្នុងស្រុកមួយចំនួន បានធ្វើឱ្យបុរសម្នាក់ ស្លាប់យ៉ាងអាណោចអាធ័ម។ តាមប្រភពព័ត៌មានដែលអង្គភាពយើងទទួលបាន បុរសម្នាក់ឈ្មោះ ខៃ រស់សាម៉ៃ (ហៅពួយ) អាយុ ៤០ ឆ្នាំជនជាតិខ្មែរ មានទីលំនៅបច្ចុប្បន្នភូមិ ស្រែពកតូច ឃុំសិរីមង្គល ស្រុកកូនមុំ ខេត្តរតនគិរី ដែលមានភរិយាឈ្មោះ បែង មានទីលំនៅបច្ចុប្បន្ន រស់នៅជាមួយប្ដីដែលបានស្លាប់បាត់បង់ជីវិតខាងលើ។ យោងតាមប្រភពដដែល បានឱ្យដឹងទៀតថា កាលពីវេលាម៉ោង ប្រហែល ៨យប់ ថ្ងៃទី ២០ ខែវិច្ឆិកា ឆ្នាំ ២០២៤ ឈ្មោះ ខៃ រស់សាម៉ៃ (ហៅពួយ) បានកាន់ឧបករណ៍ឆក់ត្រី រួចឡើងជិះទូក ធ្វើដំណើរទៅឆក់ត្រី នៅក្នុងទន្លេស្រែពក ក្នុងស្រុកកូនមុំ ខេត្តរតនគីរី ដូចសព្វមួយដង រហូតដល់ថ្ងៃទី ២១ […]

ខេត្តតាកែវ ៖ កាលពីថ្ងៃទី ២១ វិច្ឆិកា ឆ្នាំ ២០២៤ បានសម្រេចចោទប្រកាន់ពេទ្យពីរនាក់ប្ដីប្រពន្ធ នៅស្រុកបាទី ដែលបានចាក់ថ្នាំធ្វើឲ្យស្ត្រីម្នាក់ស្លាប់និងដឹកសាកសពយកទៅបោះចោលដ៍អមនុស្សធម៌ ។ ក្នុងនោះ ៖ ជនល្មើសទី១ ឈ្មោះ ស៊ុន ម៉ារីណា ភេទស្រី ចំនួន ៤ បទល្មើស៖ -បទមនុស្សឃាតដោយអចេតនា -បទប្រកបវិជ្ជាជីវៈសុខាភិបាលដោយ គ្មានអាជ្ញាប័ណ្ណប្រកបវិជ្ជាជីវៈសុខាភិបាល -បទលាក់បំបាំងសាកសព -បទទារុណកម្ម និងអំពើឃោរឃៅមានស្ថានទម្ងន់ ទោសទាក់ទងទៅនឹងជនរងគ្រោះ។ ជល្មើសទី២ ឈ្មោះ ហៀង សុងហាក់ ហៅ ង៉ែត ត្រូវបានចោទប្រកាន់ចំនួន ៣ បទល្មើស ៖ -បទប្រកបវិជ្ជាជីវៈសុខាភិបាលដោយគ្មាន អាជ្ញាប័ណ្ណប្រកបវិជ្ជាជីវៈសុខាភិបាល -បទសមគំនិតក្នុងអំពើ លាក់បំបាំងសាកសព -បទសមគំនិតក្នុងអំពើ ទារុណកម្ម និង អំពើឃោរឃៅមានស្ថានទម្ងន់ទោសទាក់ទងទៅនឹងជនរងគ្រោះ ៕

  ខេត្តមណ្ឌលគិរី ៖ នាថ្ងៃទី២០ ខែវិច្ឆិកា ឆ្នាំ២០២៤ លោក យន់ សារ៉ោម ប្រធានមន្ទីរអភិវឌ្ឍន៍ជនបទខេត្តមណ្ឌលគិរី និងលោក សួង សំណាង ប្រធានការិយាល័យផ្លូវជនបទ បានអមដំណើរក្រុមការងារអន្តរក្រសួងមានក្រសួងសេដ្ឋកិច្ច និងហិរញ្ញវត្ថុ និងក្រសួងអភិវឌ្ឍន៍ជនបទ និងមានអាជ្ញាធរមូលដ្ឋាន ដឹកនាំដោយ ឯកឧត្តម ជី ស៊ីថា រដ្ឋលេខាធិការ ក្រសួងអភិវឌ្ឍន៍ជនបទ អញ្ជើញចុះត្រួតពិនិត្យ និងវាយតម្លៃបញ្ចប់១០០% ចំនួន០២គម្រោង ស្រុកកែវសីមា និងស្រុកកោះញែក ។ លោក យន់ សារ៉ោម ប្រធានមន្ទីរអភិវឌ្ឍន៍ជនបទខេត្ត បានឲ្យដឹងថា ការចុះត្រួតពិនិត្យ និងវាយតម្លៃបញ្ចប់១០០% ចំនួន០២គម្រោង៖ គម្រោងទី១ ការងារថែទាំខួបផ្លូវក្រាលល្បាយថ្មភ្នំចំនួន០១ខ្សែ ប្រវែង១២.០០០ម៉ែត្រ ទទឹងខ្នងលើ ៦ម៉ែត្រ កម្រាស់២០ស.ម ស្ថិតនៅភូមិស្រែព្រះ ភូមិពូចារ ភូមិអូរច្រារ ភូមិពូគង់ ឃុំស្រែព្រះ ស្រុកកែវសីមា និងពិធីជួបសំណេះសំណាលជាមួយប្រជាពលរដ្ឋ ដែររស់នៅតាមខ្សែផ្លូវខាងលើនេះ (គម្រោងលេខDRR-PM-2024-No.026) និងគម្រោងទី២ កាងារថែទាំជាប្រចាំ […]