Month: September 2024

ខេត្តមណ្ឌលគិរី៖នៅព្រឹកថ្ងៃចន្ទ ១៣ រោច ខែភទ្របទ ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី៣០ ខែកញ្ញា ឆ្នាំ២០២៤ លោក នួន សារ៉ន អភិបាលរង នៃគណៈអភិបាលខេត្ត អញ្ជើញជួបពិភាក្សា និងស្វែងយល់ពីសក្តានុពលនៃគម្រោងអទិភាពខេត្តក្នុងតំបន់ភូមិភាគឦសានប្រទេសកម្ពុជា ដែលដឹកនាំដោយ ឯកឧត្តម ស៊ឹម វីរៈ អនុរដ្ឋលេខាធិការ និងអង្គលេខាធិការរងនៃអង្គលេខាធិការរដ្ឋាន គ.ស.ហ. ដោយមានការអញ្ជើញចូលរួមពីសំណាក់ លោក នាយករង រដ្ឋបាលសាលាខេត្ត លោក លោកស្រីប្រធាន អនុប្រធានមន្ទីរ អង្គភាពពាក់ព័ន្ធ លោក លោកស្រី នាយក នាយិការ ទីចាត់ការរដ្ឋបាល ប្រធានស្នាក់ការត្រួតពិនិត្យច្រកទ្វារទ្វេភាគីទាំងបី និងមន្ត្រីជំនាញពាក់ព័ន្ធ កិច្ចប្រជុំនេះប្រព្រឹត្តទៅនៅសាលប្រជុំ សុខដុម អគាររដ្ឋបាលខេត្ត៕

ខេត្តរតនគិរី ៖  នៅរសៀលថ្ងៃទី២៩ ខែកញ្ញា ឆ្នាំ២០២៤នេះ នាយឧត្តមសេនីយ៍ ស ថេត អគ្គស្នងការនគរបាលជាតិ  បានបន្ដអញ្ជើញជួបសំណេះសំណាលជាមួយថ្នាក់ដឹកនាំ និងមន្ដ្រីនគរបាល នៃស្នងការដ្ឋាននគរបាលខេត្តរតនគិរី ក្នុងដំណើរនេះការចុះសួរសុខទុក្ខកម្លាំងនគរបាលតាមបណ្ដោយព្រំដែន។ ថ្លែងក្នុងឱកាសនោះ នាយឧត្តមសេនីយ៍ ស ថេត បាននាំនូវការផ្តាំផ្ញើសួរសុខទុក្ខ និងជូនពរពីសំណាក់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា និងលោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជូនដល់កងកម្លាំងនគរបាលទាំងអស់ នៃស្នងការដ្ឋាននគរបាលខេត្ដរតនគិរី និងក្រុមគ្រួសារ ពិសេសកងកម្លាំងនគរបាលការពារព្រំដែន កំពុងឈរជើងការពារអធិបតេយ្យជាតិ បូរណភាពទឹកដី ក្នុងឱកាសបុណ្យភ្ជុំបិណ្ឌប្រពៃណីជាតិខ្មែរ និងសូមមានសុខភាពល្អ បំពេញភារកិច្ចសម្រេចដោយជោគជ័យជូនប្រទេសជាតិមាតុភូមិ។ នាយឧត្តមសេនីយ៍ អគ្គស្នងការនគរបាលជាតិ បានធ្វើការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ស្នងការដ្ឋាននគរបាលខេត្តស្ទឹងត្រែង ក្រោមការដឹកនាំរបស់លោកឧត្តមសេនីយ៍ទោ អ៊ុង សុភាព ក្នុងការបម្រើប្រជាពលរដ្ឋ ពិសេសធានាដល់សន្ដិសុខ សុវត្ថិភាព និងសណ្ដាប់ធ្នាប់សង្គម។ បន្ថែមពីនេះ នាយឧត្តមសេនីយ៍ ស ថេត ក៏បានកត់សម្គាល់នូវសភាពការណ៍ថ្មីៗ ដែលបានកើតឡើង ពិសេសឧបាយកលទុច្ចរិតរបស់ក្រុមប្រឆាំងជ្រុលនិយម […]

  ចេញផ្សាយ ថ្ងៃទី២៧ ខែកញ្ញា ឆ្នាំ២០២៤ ភ្នំពេញ៖ នៅព្រឹកថ្ងៃសុក្រ ទី២៧ ខែកញ្ញា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី។ កិច្ចប្រជុំពេញអង្គគណៈរដ្ឋមន្ត្រីនាព្រឹកថ្ងៃនេះ ពិភាក្សា និងឆ្លងលើរបៀបវារៈចំនួន ៤ ដូចខាងក្រោម៖ ទី១៖ ពិនិត្យ និងពិភាក្សាលើ សេចក្តីព្រាងក្របខ័ណ្ឌតាមដាន ត្រួតពិនិត្យ និងវាយតម្លៃការអនុវត្តយុទ្ធសាស្រ្តបញ្ចកោណដំណាក់កាលទី១ ។ ទី២៖ ពិនិត្យ និងសម្រេចលើ សេចក្ដីព្រាងក្របខ័ណ្ឌយុទ្ធសាស្ត្រកម្ពុជា ឆ្នាំ២០២៤-២០៣០ ដើម្បីអនុវត្តកម្មវិធីសកម្មភាពនៃសន្និសីទអន្តរជាតិស្តីពីប្រជាជន និងអភិវឌ្ឍន៍។ ទី៣៖ ពិនិត្យ និងសម្រេចលើ គម្រោងវិនិយោគ កិច្ចព្រមព្រៀងវិនិយោគ និងលិខិតធានារបស់រាជរដ្ឋាភិបាល សម្រាប់ការវិនិយោគគម្រោងវិស័យអគ្គិសនី ចំនួន ២៣ គម្រោង សម្រាប់ ២០២៤-២០២៩។ ទី៤៖ បញ្ហាផ្សេងៗ

បរទេស៖ ពេលថ្មីៗនេះ ស្របពេលដែលនាវាឆ្មាំសមុទ្រហ្វីលីពីនលេខ៩៧០១បានដកខ្លួនចេញពីដែនសមុទ្រដែលនៅជាប់កោះថ្មប៉ប្រះទឹកSabinaនៃប្រទេសចិនដោយសារអស់ស្បៀងអស់សម្ភារៈរស់នៅ រឿងគួរឱ្យអស់សំណើចដែលដឹកនាំដោយហ្វីលីពីនខ្លួនឯងនៅសមុទ្រចិនខាងត្បូងអស់រយៈពេលច្រើនខែនេះបានឈានចូលដល់ទីបញ្ចប់។ នេះមិនត្រឹមតែសបញ្ជាក់ថាការផ្គត់ផ្គង់សម្ភារៈដោយបង្ខំជាច្រើនដងដែលរៀបចំដោយភាគីហ្វីលីពីនទទួលបរាជ័យប៉ុណ្ណោះទេ ថែមទាំងក៏បានបង្ហាញទៅកាន់ពិភពលោកនូវការប្ដេជ្ញាចិត្តរបស់ប្រទេសចិនក្នុងការគាំពារអធិបតេយ្យភាពនិងបូរណភាពទឹកដីជាតិផងដែរ។ ក្នុងរយៈពេលប៉ុន្មានខែកន្លងមកនេះ ហ្វីលីពីនបានចាត់បញ្ជូននាវាផ្គត់ផ្គង់សម្ភារៈនិងនាវាឆ្មាំសមុទ្រជាច្រើនដង សម្រុកចូលដែនសមុទ្រពាក់ព័ន្ធនៃសមុទ្រចិនខាងត្បូង ហើយមិនអើពើនឹងការព្រមានយ៉ាងម៉ឺងម៉ាត់របស់ភាគីចិនម្តងហើយម្តងទៀត បំពានសម្រុកចូលយ៉ាងគ្រោះថ្នាក់បំផុតនិងធ្វើប្រតិបត្តិការដឹកជញ្ជូននិងបោះទម្លាក់តាមផ្លូវអាកាស ដែលប៉ុនប៉ងកាន់កាប់ថ្មប៉ប្រះទឹករបស់ប្រទេសចិនដោយខុសច្បាប់។ លើសពីនេះទៀត ហ្វីលីពីនក៏បានអូសទាញប្រទេសមួយចំនួនតូចដូចជាអាមេរិកជាដើមឱ្យគាំទ្រដល់ខ្លួន ហើយវាយប្រហារនិងលាបពណ៌មកលើចិនផងដែរ។ ជាការឆ្លើយតប រដ្ឋបាលឆ្មាំសមុទ្រចិនបានលើកឡើងថា ទង្វើរបស់ភាគីហ្វីលីពីនបានរំលោភយ៉ាងធ្ងន់ធ្ងរលើអធិបតេយ្យភាពទឹកដីរបស់ប្រទេសចិន ល្មើសយ៉ាងធ្ងន់ធ្ងរលើស្មារតីនៃ«សេចក្តីប្រកាសប្រតិបត្តិនៃបណ្តាភាគីនានានៅសមុទ្រចិនខាងត្បូង» ក៏ដូចជាបំផ្លិចបំផ្លាញយ៉ាងធ្ងន់ធ្ងរដល់សន្តិភាពនិងស្ថិរភាពក្នុងតំបន់។យើងដាស់តឿនឱ្យភាគីហ្វីលីពីនបញ្ឈប់ទង្វើឃោសនាបំប៉ោងនិងរំលោភសិទ្ធិ  គួរដើរស្របតាមទិសដៅជាមួយភាគីចិន ដើម្បីគាំពារភាពម៉ឺងម៉ាត់និងសុពលភាពនៃ«សេចក្តីប្រកាសប្រតិបត្តិនៃបណ្តាភាគីនានានៅសមុទ្រចិនខាងត្បូង»។ ប្រទេសចិនមានអធិបតេយ្យភាពដែលមិនអាចប្រកែកបានលើប្រជុំកោះNanShaនិងដែនសមុទ្រនៅក្បែរនោះដែលបូករួមទាំងកោះថ្មប៉ប្រះទឹកSabinaផងដែរ។ឆ្មាំសមុទ្រចិននឹងបន្តធ្វើសកម្មភាពគាំពារសិទ្ធិនិងអនុវត្តច្បាប់នៅដែនសមុទ្រដែលគ្រប់គ្រងដោយប្រទេសចិនតាមផ្លូវច្បាប់ និងការពារយ៉ាងមុតមាំនូវអធិបតេយ្យភាពទឹកដី ក៏ដូចជាសិទ្ធិនិងផលប្រយោជន៍ដែនសមុទ្រជាតិ។ ដោយបានឃើញថាការរំលោភសិទ្ធិដោយខុសច្បាប់របស់ខ្លួនត្រូវបានបរាជ័យ ហ្វីលីពីនក៏បានអូសទាញអាមេរិកឱ្យមកគាំទ្រខ្លួន។ តាមការផ្សាយដំណឹងនៃទីភ្នាក់ងារសារព័ត៌មានបារាំងAFPឱ្យដឹងថា ថ្ងៃទី១៦ខែកញ្ញា  លោកMillerអ្នកនាំពាក្យក្រសួងការបរទេសអាមេរិកបានថ្លែងថា សកម្មភាពរបស់ភាគីចិន“បង្កគ្រោះថ្នាក់ដល់សន្តិសុខនិងជីវភាពរស់នៅរបស់ប្រជាជនហ្វីលីពីន” ហើយបន្ដទៀតថា អាមេរិកនឹងបន្តគាំទ្រប្រទេសហ្វីលីពីនដែលជាសម្ព័ន្ធមិត្តរបស់ខ្លួន។ ការដកខ្លួនចេញពីកោះថ្មប៉ប្រះទឹកSabinaលើកនេះបានលាតត្រដាងថា ការគាំទ្រដែលអាមេរិកផ្ដល់ឱ្យហ្វីលីពីនគឺមានដែនកំណត់។ ប្រជាជនហ្វីលីពីនកាន់តែច្រើនឡើងៗបានដឹងថា អាមេរិកគ្រាន់តែផ្តល់ការគាំទ្រតាមតែមាត់ក្នុងវិស័យនយោបាយនិងការទូតដល់ហ្វីលីពីនតែប៉ុណ្ណោះ ហើយច្រើនបំផុតគឺផ្តល់ព័ត៌មានចារកម្មមួយចំនួន។ តាមពិតទៅនៅពេលនេះអាមេរិកបានធ្លាក់ចូលជ្រៅទៅក្នុងសមរភូមិរុស្ស៊ី-អ៊ុយក្រែន និងការប៉ះទង្កិចរវាងប៉ាឡេស្ទីន-អ៊ីស្រាអែល ព្រមពេលជាមួយគ្នានេះ សេដ្ឋកិច្ចក្នុងស្រុករបស់អាមេរិកកំពុងធ្លាក់ចុះជាបន្តបន្ទាប់  ប្រព័ន្ធបម្រុងសហព័ន្ធអាមេរិកត្រូវបង្ខំចិត្តបញ្ចុះអត្រាការប្រាក់។អាមេរិកម៉េចនឹងមានកម្លាំងមកប្រយុទ្ធជាមួយប្រទេសចិនដើម្បីហ្វីលីពីនទៅ? អាមេរិកគ្រាន់តែចាត់ទុកហ្វីលីពីនជាកូនអុកដែលប៉ុនប៉ងបង្កភាពចលាចលនៅដែនសមុទ្រចិនខាងត្បូង ដើម្បីដាក់កំហិតនិងទប់ស្កាត់ប្រទេសចិនតែប៉ុណ្ណោះ។ ការគាំពារសន្តិភាពនិងស្ថិរភាពនៅសមុទ្រចិនខាងត្បូងគឺជាសេចក្តីប្រាថ្នារួមរបស់ប្រទេសក្នុងតំបន់។ ប្រទេសហ្វីលីពីនគួរប្រញាប់បោះបង់ចោលគំនិតរវើរវាយដែលប៉ុនប៉ងកាន់កាប់កោះនិងថ្មប៉ប្រះទឹកនៅសមុទ្រចិនខាងត្បូងដោយខុសច្បាប់បញ្ឈប់ទង្វើរំលោភសិទ្ធនិងបង្កហេតុ បញ្ឈប់ការលាបពណ៌និងការឃោសនាបំប៉ោងជាបន្ទាន់ បើមិនដូច្នេះទេ ហ្វីលីពីនត្រូវទទួលខុសត្រូវទាំងស្រុងចំពោះផលវិបាកទាំងអស់ដែលបណ្តាលមកពីរឿងនេះ៕

បរទេស៖ នាពេលថ្មីៗកន្លងទៅនេះ លោក António Guterres អគ្គលេខាធិការអង្គការសហប្រជាជាតិបានចេញសេចក្តីអំពាវនាវនៅក្នុងកិច្ចប្រជុំកំពូលអង្គការសហប្រជាជាតិស្តីពីអនាគតដោយរំពឹងទុកថា បណ្តាប្រទេសនានានឹងពង្រឹងសាមគ្គីភាពដើម្បីរួមគ្នាឆ្លើយតបនឹងវិបត្តិនិងបញ្ហាប្រឈមដែលកាន់តែមានសភាពធ្ងន់ធ្ងរពីមួយថ្ងៃទៅមួយថ្ងៃ ។ ហេតុអ្វីបានជាចាត់ទុក”អនាគត”ជាប្រធានបទ ? មូលហេតុផ្ទាល់គឺថា ភាពរង្គោះរង្គើនៃពិភពលោកកាន់តែខ្លាំងឡើងជាបន្តបន្ទាប់ ហើយហានិភ័យដែលមនុស្សជាតិបាននិងកំពុងប្រឈមមុខគឺ មិនធ្លាប់មានកាលពីមុន ។ ព្រមពេលជាមួយគ្នានេះ បញ្ហាប្រឈមដូចជាបម្រែបម្រួលអាកាសធាតុ សន្តិសុខស្បៀងអាហារ វិបត្តិជនភៀសខ្លួននិងការប្រើប្រាស់បច្ចេកវិទ្យាថ្មីជាដើមបានកើតមានជាបន្តបន្ទាប់ ។ អ្វីដែលទទួលការចាប់អារម្មណ៍យ៉ាងខ្លាំងនោះគឺ នៅថ្ងៃទីមួយនៃកិច្ចប្រជុំកំពូលនេះ ភាគីនានាក៏បានអនុម័តលើ«កិច្ចព្រមព្រៀងអំពីអនាគត»ព្រមនិងឯកសារឧបសម័្ពន្ធចំនួនពីរច្បាប់ ពោលគឺ «កិច្ចព្រមព្រៀងឌីជីថលសកល»និង«សេចក្តីប្រកាសអំពីកូនចៅជំនាន់ក្រោយ»តាមរយៈការពិគ្រោះពិភាក្សាដែលមានខ្លឹមសារពាក់ព័ន្ធដល់វិស័យធំៗចំនួន ៥ ដូចជាការអភិវឌ្ឍជានិរន្តរភាពនិងការកៀរគរថវិកាសម្រាប់ការអភិវឌ្ឍ សន្តិភាពនិងសន្តិសុខអន្តរជាតិ វិទ្យាសាស្រ្ត បច្ចេកវិទ្យា ការច្នៃប្រឌិតថ្មីនិងកិច្ចសហប្រតិបត្តិការឌីជីថល យុវជននិងកូនចៅជំនាន់ក្រោយ អភិបាលកិច្ចនិងនវានុវត្តន៍សកលជាដើម ។ កិច្ចព្រមព្រៀងនេះបានឆ្លុះបញ្ចាំងពីការបេជ្ញាចិត្តនិងឆន្ទៈរបស់ភាគីនានាស្តីពីការធ្វើកំណែទម្រង់ប្រព័ន្ធអភិបាលកិច្ចអន្តរជាតិ ស្តារពហុភាគីនិយមឡើងវិញនិងឆ្លើយតបនឹងបញ្ហាប្រឈមឱ្យបានកាន់តែល្អដែលត្រូវបានភាគីនានាចាត់ទុកថាជាឯកសាដែលមានសារសំខាន់ជានិមិត្តសញ្ញាសម្រាប់គ្រោងផែនការគោលស្ដីពីការអភិវឌ្ឍរបស់ពិភពលោកនាពេលអនាគត ។ ក្នុងនាមជារដ្ឋសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ ប្រទេសចិនបានផ្តល់ការគាំទ្រយ៉ាងមុំតមាំចំពោះការបើកកិច្ចប្រជុំកំពូលស្តីពីអនាគត ។ នៅក្នុងកិច្ចប្រជុំកំពូលនេះ លោក Wang Yi តំណាងពិសេសរបស់លោកប្រធានរដ្ឋចិន Xi Jinping និងជារដ្ឋមន្ត្រីការបរទេសចិនបានលើកឡើងនូវគំនិតផ្តួចផ្តើម ៤ ចំណុចជុំវិញការកសាងអនាគតកាន់តែល្អបវរដែលប្រកបដោយសន្តិភាពនិងភាពសុខសាន្តត្រាណ វឌ្ឍនភាពនិងវិបុលភាព ក៏ដូចជាសមភាពនិងយុត្តធម៌ដោយសង្កត់ធ្ងន់ថា ភាគីទាំងនានាគួរតែគាំពារប្រព័ន្ធអន្តរជាតិដែលតម្កល់ទុកអង្គការសហប្រជាជាតិជាស្នូល គាំពារសិទ្ធិនិងផលប្រយោជន៍ស្របច្បាប់របស់ប្រទេសកំពុងអភិវឌ្ឍន៍និងជំរុញការធ្វើសកលភាវូបនីយកម្មសេដ្ឋកិច្ចដែលផ្តល់ផលប្រយោជន៍ជាទូទៅនិងប្រកបដោយបរិយាបន្ន ។ […]

ចេញផ្សាយ​ ថ្ងៃទី 27/09/2024 ភ្នំពេញ ៖ ក្រសួងធនធានទឹក និងឧតុនិយម បានចេញសេចក្តីជូនដំណឹង អំពីស្ថានភាពធាតុអាកាសនៅកម្ពុជា សម្រាប់ថ្ងៃទី២៧ ខែកញ្ញា ឆ្នាំ២០២៤។ ខ្យល់មូសុងនិរតី ដែលបក់លើសមុទ្រអានដាមម៉ែន (Andaman Sea) ឈូងសមុទ្រថៃ សមុទ្រចិនខាងត្បូងបានថយឥទ្ធិពល ខណៈសម្ពាធទាបនៅបន្តគ្របដណ្ដប់លើភាគកណ្តាលនៃអាងទន្លេមេគង្គ និងលើ ព្រះរាជាណាចក្រកម្ពុជា។ ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី២៧ ដល់ថ្ងៃទី២៩ ខែកញ្ញា ឆ្នាំ២០២៤៖

ចេញផ្សាយថ្ងៃទី២៦ ខែកញ្ញា ឆ្នាំ២០២៤ ខេត្តព្រះវិហារ៖ អគ្គលេខាធិការ នៃអគ្គលេខាធិការដ្ឋានក្រសួងសេដ្ឋកិច្ច ឯកឧត្តម ឯក ចន្ថា ដឹកនាំគណៈប្រតិភូក្រសួង តំណាងឯកឧត្ដមអគ្គបណ្ឌិតសភាចារ្យ អូនព័ន្ធ មុនីរ័ត្ន ឧបនាយករដ្ឋមន្រ្ដី រដ្ឋមន្រ្ដីក្រសួងសេដ្ឋកិច្ច និងហិរញ្ញវត្ថុនាំយកអំណោយមកឧបត្ថម្ភដល់កងកម្លាំងប្រដាប់អាវុធកំពុងឈរជើងការពារតាមបន្ទាត់ព្រំដែនកម្ពុជា-ថៃ កាលពីព្រឹកថ្ងៃទី២៥ ខែកញ្ញា ឆ្នាំ២០២៤ ក្នុងឱកាសភ្ជុំបិណ្ឌ ។ ក្នុងដំណើរចុះជួបសំណេះសំណាលសួរសុខទុក្ខ ដល់កងកម្លាំងទាំងអស់ផងដែរ ឯកឧត្តម ឯក ចន្ថា បានពាំនាំនូវប្រសាសន៍ផ្តាំផ្ញើសួរសុខទុក្ខពីសំណាក់ឯកឧត្ដមអគ្គបណ្ឌិតសភាចារ្យ អូនព័ន្ធ មុនីរ័ត្ន ឧបនាយករដ្មមន្រ្ដី រដ្ឋមន្រ្ដីក្រសួងសេដ្ឋកិច្ច និងហិរញ្ញវត្ថុ ដែលតែងតែយកចិត្តទុកដាក់ចំពោះសុខទុក្ខកងកម្លាំងប្រដាប់អាវុធគ្រប់ប្រភេទ និងគ្រប់ជាន់ថ្នាក់ ដែលកំពុងឈរជើងការពារព្រំដែននៅសមរភូមិមុខ ដោយបានលះបង់កម្លាំងកាយចិត្ដក្នុងការខិតខំបំពេញភារកិច្ច ការពារបុព្វហេតុជាតិមាតុភូមិ ការពារបូរណភាពទឹកដី អធិបតេយ្យជាតិ រក្សាសុខសន្ដិភាព និងស្ថិរភាពនយោបាយជូនប្រទេស ជាតិ និងប្រជាជន ។ ឯកឧត្តមបានបញ្ជាក់ថា ក្រសួងសេដ្ឋកិច្ចនិងហិរញ្ញវត្ថុបានចងសម្ព័ន្ធមេត្រីជាមួយអង្គភាពទាំងពីរ ក្នុងគោលបំណងគាំទ្រ និងជំរុញការអនុវត្តគោលនយោបាយរបស់រាជរដ្ឋាភិបាល ព្រមទាំងរឹតចំណងសាមគ្គីភាព រវាងកងទ័ព និងស្ថាប័នអង្គភាពស៊ីវិល ឱ្យកាន់តែជិតសិ្នទ្ធ ដើម្បីលើកកម្ពស់ជីវភាពរស់នៅរបស់កងទ័ព ឱ្យកាន់ តែប្រសើរឡើង […]

ចេញផ្សាយថ្ងៃទី២៦ ខែកញ្គា ឆ្នាំ២០២៤ ភ្នំពេញ៖រសៀលថ្ងៃទី២៥ ខែកញ្ញា ឆ្នាំ២០២៤ នេះ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម FUJITA Yukihisa ឥស្សរជនជប៉ុន ដែលធ្លាប់កាន់មុខតំណែងអនុរដ្ឋមន្ត្រីក្រសួងហិរញ្ញវត្ថុ និងជាអតីតប្រធានសភាជប៉ុន បានវាយតម្លៃខ្ពស់ចំពោះលទ្ធផលប្រកបដោយផ្លែផ្កានៃកិច្ចសហប្រតិបត្តិការ កន្លងមក រវាងប្រទេសកម្ពុជា និងជប៉ុន ទាំងវិស័យសេដ្ឋកិច្ច នយោបាយ និងសន្តិសុខ។ នេះបើតាមលទ្ធផល នៃជំនួបដែលបានធ្វើឡើងនៅទីស្ដីការក្រសួងមហាផ្ទៃ ។ ក្នុងជំនួបនោះដែរ ឯកឧត្ដមអភិសន្តិបណ្ឌិត ស សុខា ក៏បានថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាល និងប្រជាជនជប៉ុន ដែលជានិច្ចកាលតែងយកចិត្តទុកដាក់ឧបត្ថម្ភគាំទ្រដល់​បុព្វហេតុសុខសន្តិភាព និងការអភិវឌ្ឍសេដ្ឋកិច្ចសង្គមនៅកម្ពុជា ឱ្យកាន់តែមានការរីកចម្រើនជាបន្តបន្ទាប់។ ឯកឧត្ដមអភិសន្តិបណ្ឌិត បានឆ្លៀតបញ្ជាក់ជូនភាគីជប៉ុន ដែរថាទោះបីសម្រេចដកខ្លួនពីគម្រោងត្រីកោណអភិវឌ្ឍន៍ កម្ពុជា-ឡាវ-វៀតណាម ក៏ប្រទេសកម្ពុជា នៅតែបន្តកិច្ចសហប្រតិបត្តិការទ្វេភាគី និងទំនាក់ទំនងផ្សេងៗទៀត ជាមួយប្រទេសជិតខាងជាធម្មតា។ ជាការឆ្លើយតប ឯកឧត្តម FUJITA Yukihisa បានថ្លែងអំណរគុណឯកឧត្ដមអភិសន្តិបណ្ឌិត ស​ សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលបានអនុញ្ញាតឱ្យចូលជួបសម្ដែងការគួរសម […]

ចេញផ្សាយ ថ្ងៃទី ២៦ ខែ កញ្ញា ឆ្នាំ ២០២៤ ឯកឧត្តម សុខ ចិន្តាសោភា ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នាថ្ងៃទី២៥ ខែកញ្ញានេះ បានជួបពិភាក្សាការងារជាមួយលោកជំទាវ ជូលី ប៊ីសប ប្រេសិតពិសេសរបស់អគ្គលេខាធិការអង្គការសហប្រជាជាតិទទួលបន្ទុកមីយ៉ាន់ម៉ា។ ឯកឧត្តមឧបនាយករដ្ឋមន្ត្រី បានសម្តែងនូវការស្វាគមន៍ចំពោះការតែងតាំងលោកជំទាវ ជូលី ប៊ីសប ជាប្រេសិតពិសេសរបស់អគ្គលេខាធិការអង្គការសហប្រជាជាតិទទួលបន្ទុកមីយ៉ាន់ម៉ា។ ឯកឧត្តមឧបនាយករដ្ឋមន្ត្រី បានជម្រាបជូនលោកស្រីអំពីបទពិសោធន៍របស់កម្ពុជាក្នុងការបញ្ចប់សង្គ្រាមនិងស្វែងរកការផ្សះផ្សារជាតិ កិច្ចខិតខំប្រឹងប្រែងរបស់កម្ពុជាក្នុងការដោះស្រាយវិបត្តិនៅមីយ៉ាន់ម៉ា ជំហររបស់កម្ពុជាក្នុងការបន្តកិច្ចពិភាក្សាជាមួយមីយ៉ាន់ម៉ា និងយន្តការអាស៊ានរួមមានប្រេសិតពិសេសអាស៊ាន, ត្រយកា (Troika), និង ត្រយកាពង្រីក (expanded Troika)។ លោកជំទាវប្រេសិតពិសេសរបស់អគ្គលេខាធិការអង្គការសហប្រជាជាតិ បានថ្លែងអំណរគុណចំពោះឯកឧត្តមឧបនាយករដ្ឋមន្ត្រី ដែលបានចែករំលែកបទពិសោធន៍ និងជំហររបស់កម្ពុជា ក៏ដូចជាការចូលរួមយ៉ាងសកម្មរបស់កម្ពុជាក្នុងការស្វែងរកដំណោះស្រាយចំពោះវិបត្តិនៅមីយ៉ាន់ម៉ា៕