ខេត្តមណ្ឌលគិរី៖នៅព្រឹកថ្ងៃចន្ទ ១៣ រោច ខែភទ្របទ ឆ្នាំរោងឆស័ក ពុទ្ធសករាជ ២៥៦៨
ត្រូវនឹងថ្ងៃទី៣០ ខែកញ្ញា ឆ្នាំ២០២៤ លោក នួន សារ៉ន អភិបាលរង នៃគណៈអភិបាលខេត្ត អញ្ជើញជួបពិភាក្សា និងស្វែងយល់ពីសក្តានុពលនៃគម្រោងអទិភាពខេត្តក្នុងតំបន់ភូមិភាគឦសានប្រទេសកម្ពុជា ដែលដឹកនាំដោយ ឯកឧត្តម ស៊ឹម វីរៈ អនុរដ្ឋលេខាធិការ និងអង្គលេខាធិការរងនៃអង្គលេខាធិការរដ្ឋាន គ.ស.ហ. ដោយមានការអញ្ជើញចូលរួមពីសំណាក់ លោក នាយករង រដ្ឋបាលសាលាខេត្ត លោក លោកស្រីប្រធាន អនុប្រធានមន្ទីរ អង្គភាពពាក់ព័ន្ធ លោក លោកស្រី នាយក នាយិការ ទីចាត់ការរដ្ឋបាល ប្រធានស្នាក់ការត្រួតពិនិត្យច្រកទ្វារទ្វេភាគីទាំងបី និងមន្ត្រីជំនាញពាក់ព័ន្ធ កិច្ចប្រជុំនេះប្រព្រឹត្តទៅនៅសាលប្រជុំ សុខដុម អគាររដ្ឋបាលខេត្ត៕
