Month: January 2025

ខេត្តមណ្ឌលគិរី ៖ ដើម្បីភាពល្អស្អាតនៃបរិស្ថាន និងការកាត់បន្ថយផលប៉ះពាល់ពីសំណល់ថង់ប្លាស្ទិក ក្រសួងបរិស្ថានបានសហការជាមួយរដ្ឋបាលខេត្តមណ្ឌលគិរី និងអង្គការ wwf បានរៀបចំយុទ្ឋនាការផ្សព្វផ្សាយ«ថ្ងៃនេះខ្ញុំមិនប្រើថង់ប្លាស្ទិកទេ និងកម្ពុជាស្អាត ខ្មែរធ្វើបាន» ដែលប្រារព្ឋឡើងនៅបរិវេណសួនដំរីដែក ក្នុងក្រុងសែនមនោរម្យ នាថ្ងៃទី៣១ ខែមករា ឆ្នាំ២០២៥ ។ ឯកឧត្តម ថង សាវុន អភិបាលខេត្តមណ្ឌលគិរី មានប្រសាសន៍ថា ដើម្បីសម្រេចបាននូវគោលបំណងខាងលើនេះ យើងត្រូវដាក់ចេញ និងកំណត់នូវសកម្មភាពជាក់លាក់ ក្នុងការអនុវត្តការងារឱ្យទទួលបានជោគជ័យប្រកបដោយប្រសិទ្ធភាពខ្ពស់ ដែលត្រូវជំរុញឱ្យ មានការយកចិត្តទុកដាក់ និងចូលរួមពីគ្រប់ភាគីពាក់ព័ន្ធទាំងអស់។ ឯកឧត្តម បន្តថា គ្រប់អ្នកពាក់ព័ន្ធដែលមានវត្តមាននៅក្នុងអង្គពិធីនាពេលនេះ ជាពិសេស ប្អូនៗ ក្មួយៗ ជាយុវជន សិស្សានុសិស្ស ត្រូវចូលរួមចំណែកយ៉ាងសំខាន់ និងសស្រាក់សស្រាំ តាមរយៈការក្រេបយកចំណេះដឹងពាក់ព័ន្ធនឹងកិច្ចការងារនេះ និងចូលរួមចំណែកអនុវត្តឱ្យបានល្អប្រសើរទាំងអស់គ្នា។ ក្នុងនាមអាជ្ញាធរខេត្ត សង្ឃឹមយ៉ាងមុតមាំថា សិស្សានុសិស្សមានការយល់ដឹងអំពីផលប៉ះពាល់មួយចំនួនទាក់ទង និងសំណល់រឹង និងសំណល់ប្លាស្ទិក ចំពោះសុខភាព និងបរិស្ថាន យល់ដឹងពីការញ៉ែកសំណល់ទៅតាមប្រភេទ និងចូលរួមអនុវត្តបានល្អប្រសើរទាំងអស់គ្នា ដើម្បីកម្ពុជាស្អាត កម្ពុជា គ្មានថង់ប្លាស្ទិក ខ្មែរធ្វើបាន តាមរយៈការប្តេជ្ញាចិត្ត ថ្ងៃនេះ […]

ខេត្តរតនគិរី ៖ នេះបើរបាយការណ៍ របស់មន្ទីរទេសចរណ៍ខេត្តរតនគិរី ដែលបានបង្ហាញអោយដឹងនៅរសៀលថ្ងៃទី៣១ ខែមករា ឆ្នាំ២០២៥។ របាយការណ៍ដដែលបញ្ជាក់ថា ក្នុងចំនួន ៨,៤៩៥នាក់នេះ មានភ្ញៀវទេសចរអន្តរជាតិ មានចំនួន ១៥៦នាក់ មានការកើនឡើង ១៧.២៩%។ ភ្ញៀវទេសចរជាតិ ៨,៣៣៩នាក់ មានការកើនឡើង២.៣២%។សរុបភ្ញៀវទេសចរទាំងជាតិ និងអន្តរជាតិ មានចំនួន ៨,៤៩៥នាក់ មានការកើនឡើង ២.៥៦%។ ចំពោះសេវាកម្មស្នាក់នៅ និងសេវាកម្មម្ហូបអាហារនិងសេវាកម្មដឹកជញ្ជូនភ្ញៀវពុំមានការតម្លើងថ្លៃគួរអោយកត់សំគាល់ឡើយ។ ហើយសោភ័ណ្ឌភាពទីប្រជុំជន និងទីក្រុង និងតាមបណ្តាស្រុកនានាក្រោមការដឹកនាំពីសំណាក់ ឯកឧត្តម ញ៉ែម សំអឿន អភិបាល នៃគណៈខេត្ត មានការរៀបចំភ្លើងបំភ្លឺតាមទីសាធារណៈ តាមបណ្តាអង្គភាពរបស់រដ្ឋ និងវិស័យឯកជន ដើម្បីលើកស្ទួយ សោភ័ណភាពទីក្រុង ក្នុងការផ្តល់សេវាកម្មជូនប្រជាពលរដ្ឋក្នុងខេត្ត ក៏ដូចភ្ញៀវទេសចរជាតិនិងអន្តរជាតិ ដែលបានមកទស្សនាខេត្តរតនគិរីបានយ៉ាងល្អ។ សូមបញ្ជាក់ផងដែរថា៖ ក្នុងរយៈពេលពេល៣ថ្ងៃ(២៩-៣១)ក្នុងឱកាសពិធីបុណ្យចូលឆ្នាំចិន-វៀតណាម ឆ្នាំ២០២៥ ប្រជាពលរដ្ឋភាគច្រើន ក្នុងខេត្តរតនគិរី មានការជួបជុំគ្នា ជប់លៀងនៅតាមគេហដ្ឋាន ទីកន្លែងកំសាន្តនានា និងច្រៀងខារ៉ាអូខេកំសាន្តសប្បាយជាលក្ខណៈគ្រួសារផងដែរ។ ដោយឡែកនៅតាមតំបន់រណីយដ្ឋានទេសចរណ៍នានាក្នុងខេត្ត មានការគ្រប់គ្រងបរិស្ថាន សណ្តាប់ធ្នាប់ បានល្អប្រសើរ ក្រោយពីបានការណែនាំរបស់ក្រុមកាងារមន្ទីរទេសចរណ៍ខេត្ត៕

ខេត្តរតនគិរី ៖ ការថ្លែងអំណរគុណរបស់បងប្អូនប្រជាពលរដ្ឋ ខាងលើនេះ គឺនៅក្នុងឱកាសដែលបងប្អូនបានអញ្ជើញចូលរួមស្ដាប់ការផ្សព្វផ្សាយ របស់រដ្ឋបាលសង្កាត់បឹងកន្សែង ក្រុងបានលុង ស្តីពី សេចក្តីជូនដំណឹងរបស់ប្រាជរដ្ឋាភិបាលកម្ពុជា ដាក់អោយដំណើរការកម្មវិធីផ្ដល់ដី ការពារព្រៃដើម្បីរួមគ្នាអភិវឌ្ឍដោយចីរភាព នា ព្រឹកថ្ងៃទី ៣០ ខែមករាឆ្នាំ ២០២៥។ ប្រជាពលរដ្ឋដែលចូលរួមស្តាប់ នូវការផ្សព្វផ្សាយ និងពន្យល់បន្ថែម ពី អាជ្ញាធរសង្កាត់បឹងកន្សែង នាឱកាសនេះ បានសម្តែងនូវក្តីរំភើបរីករាយ និងគាំទ្រយ៉ាងក្លៀវក្លា ចំពោះគម្រោងផ្តល់ដីនេះ ពីព្រោះថា អ្នកក្រីក្រ ពិតប្រាកដ មានឱកាសទទួលបានដី សម្រាប់បង្ករបង្កើនផលប្រកបដោយភាពកក់ក្តៅ និងបានគោរពថ្លែងអំណរគុណ ដល់សម្តេច មហាបវរធិបតី ហ៊ុន ម៉ា ណែត ប្រមុខរាជរដ្ឋាភិបាលកម្ពុជា  ដែលបានគិតគូរ ពីសុខទុកប្រជាពលរដ្ឋ ជា ពិសេស ប្រជាពលរដ្ឋក្រីក្រពិតប្រាកដ។ សូមបញ្ជាក់ថា កម្រោងកម្មវិធីផ្ដល់ដីការពារព្រៃដើម្បីរួមគ្នាអភិវឌ្ឍដោយចីរភាពនេះ ក្នុងគោលបំណងបង្កើនការពារនិងអភិរក្សធនធានធម្មជាតិប្រកបដោយចីរភាពសម្រាប់កូនចៅជំនាន់ក្រោយផងនិងបង្កើតប្រសិទ្ធភាពផលិតភាពនៃការប្រើប្រាស់ដីរដ្ឋផងតាមរយៈការផ្គត់ផ្គង់ដីក្រោមទម្រង់សម្បទានសេដ្ឋកិច្ចសង្គមកិច្ចជូនដល់ប្រជាពលរដ្ឋ ក្រីក្រ គ្មានទីលំនៅឋានដីកសិកម្មនិងការគាំទ្រគម្រោងអភិវឌ្ឍសហគមន៍។ ព្រមទាំងការពារនៅជិតទីតាំងផ្ដល់ដីប្រកបដោយចីរភាព។ហើយកម្មវិធីផ្ដល់ដីនេះនៅក្នុងតំបន់មួយចំនួនជូនដល់ប្រជាពលរដ្ឋក្រីក្រគ្មានដីពិតប្រាកដប្រកបដោយសមធម៌ដើម្បីរួមគ្នាកសាងសហគមន៍ក្នុងការប្រើប្រាស់អាស្រ័យ ផលនិងការពារព្រៃ និងដីរដ្ឋសម្រាប់ការអភិវឌ្ឍ។ នៅក្នុងសេចក្តីជូនដឹង បានលើកឡើងថា គណៈកម្មាធិការជាតិដឹកនាំអនុវត្តកម្មវិធីផ្ដល់ដីការពារព្រៃដើម្បីរួមគ្នាការអភិវឌ្ឍ ដោយចីរភាពនេះ បានសម្រេចអនុវត្តកម្មវិធីជំហានទីមួយដែលមានទីតាំងកម្មវិធីដល់ដីការពារព្រៃរួមគ្នាអភិវឌ្ឍដោយចីរភាពស្ថិតនៅចំណុច […]

  ខេត្តបន្ទាយមានជ័យ ៖ កម្លាំងនគរបាលទូទាំងខេត្ត ត្រូវបង្ក្រាបបទល្មើសគ្រប់ប្រភេទ ពិសេសបទល្មើសព្រហ្មទណ្ឌ និងក្មេងទំនើង សំដៅធ្វើយ៉ាងណាធានាឲ្យបាននូវសន្តិសុខសណ្ដាប់ធ្នាប់សាធារណៈសង្គមជូនប្រជាពលរដ្ឋ។ នេះបើតាមមន្ត្រីនគរបាលចម្រុះអោយដឹងកាលពីថ្ងៃទី២៨ខែមរាឆ្នាំ២០២៥ ។មន្ត្រីបន្តថា នេះជាការអនុវត្តតាមបទបញ្ជាដ៏ម៉ឺងម៉ាត់របស់ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ។ កម្លាំងផែនជំនាញព្រហ្មទណ្ឌ បានសហការជាមួយកម្លាំងអធិការដ្ឋាននគរបាលក្រុងប៉ោយប៉ែត កម្លាំងនគរបាលប៉ុស្តិ៍ បើកប្រតិបត្តិការទ្រង់ទ្រាយ ត្រួតពិនិត្យរដ្ឋបាល និងពង្រឹងការយាមល្បាត នៅយប់ថ្ងៃទី២៦-២៧ ខែមករា ឆ្នាំ២០២៥ សមត្ថកិច្ចបានឃាត់ខ្លួនក្មេងទំនើងចំនួន២០នាក់ និងដកហូតបានម៉ូតូ កាំបិត ដាវ មួយចំនួន។ ក្មេងទំនើងដែលត្រូវវាយតម្លៃ កំណត់តាមបទប្រព្រឹត្តថាជាទាំងនេះ ត្រូវបាឃាត់ខ្លួនយកមកសួរនាំ និងបញ្ជូនឱ្យជំនាញកសាងសំណុំរឿងបញ្ជូនទៅតុលាការចាត់ការបន្តតាមនីតិវិធី៕

ខេត្តមណ្ឌលគិរី ៖ មន្ត្រីរដ្ឋបាលព្រៃឈើឃាត់ខ្លួនមនុស្សម្នាក់មកសួរនាំករណី អ្នកបើករថយន្តដឹកឈើចំនួន២៧សន្លឹកដោយពុំមានច្បាប់អនុញ្ញាត ហេតុការណ៍នេះកើតឡើងនៅថ្ងៃទី៣០ មករា ឆ្នាំ២០២៥ វេលាម៉ោង១១ និង២០នាទីត្រង់ចំណុចភូមិទួលចំបក់ ឃុំ ស្រែឈូក ស្រុកកែវសីមា ខេត្តមណ្ឌលគិរី។ សេចក្តីរាយការណ៍ឲ្យដឹងថា ក្រុមការងារផ្នែករដ្ឋបាលព្រៃឈើកែវសីមា សហការជាមួយការិយាល័យដែនជម្រកសត្វព្រៃកែវសីមា បានចាប់ឃាត់រថយន្តម៉ាក់សុំាយ៉ុង ចង្កួតឆ្វេង ពណ៌ ស ពាក់ស្លាកលេខភ្នំពេញ 2AB 3082 ចំនួន០១គឿង ដឹកជញ្ជូននូវឈើអារប្រភេទលេខ១ ស្រឡៅ ចំនួន២៧សន្លឹក(ពុំទាន់វាស់វែង) ព្រមទាំងបាននាំខ្លួនអ្នកបើកបរឈ្មោះ ឈឿន ប៊ុនថន រស់នៅភូមិព្រះ ឃុំស្រែឈូក ស្រុកកែវសីមា មកសាកសួរនៅផ្នែករដ្ឋបាលព្រៃឈើកែវសីមា បន្តតាមនីតិវិធីច្បាប់៕

ខេត្តរតនគិរី ៖ នេះបើយោងតាមពីក្រុមឆ្លើយតបបន្ទាន់ នៃមន្ទីរសុខាភិបាលខេត្តរតនគិរី អោយដឹងនៅថ្ងៃទី២៩ ខែមករា ឆ្នាំ២០២៥នេះ របាយការណ៍ ដែលបញ្ជាក់ថា នៅថ្ងៃទី២៩ ខែមករា ឆ្នាំ២០២៥វេលាម៉ោង ១២:០៦នាទី នាយកដ្ឋានប្រយុទ្ធនឹងជំងឺឆ្លង បានទទួលព័ត៌មាន ពីក្រុមឆ្លើយតបបន្ទាន់នៃមន្ទីរសុខាភិបាលខេត្តរតនគិរី មានព្រឹត្តិការណ៍សង្ស័យបានពុលម្ហូបអាហារមួយ ដោយមានករណី សរុបចំនួន ០៥នាក់ ក្នុងនោះមាន ០៣នាក់ ត្រូវបានស្លាប់ និង ០២នាក់ ផ្សេងទៀតកំពុងសម្រាកនៅមន្ទីរពេទ្យខេត្ត។ អ្នកស្លាប់ទាំងបីនាក់នោះ ទី១.ភេទប្រុស អាយុ៧៨ឆ្នាំ ទី២.ភេទប្រុស អាយុ ៦០ឆ្នាំ និងទី៣.ភេទស្រី អាយុ ៥៤ឆ្នាំ ដោយទីតាំងកើតហេតុស្ថិតនៅក្នុងភូមិ យ៉ាសោម ឃុំស៊ើង ស្រុកបរកែវ ខេត្តរតនគិរី។ ដោយឡែកអ្នកជំងឺដែលកំពុងសម្រាកពេទ្យនោះ ម្នាក់កំពុងសម្រាកនៅមន្ទីរពេទ្យបង្អែកខេត្ត និង ១នាក់ទៀតកំពុងសម្រាកនៅមន្ទីរពេទ្យបង្អែកបរកែវ។ អ្នកជំងឺមានរោគសញ្ញាដូចជា៖ ឈឺពោះ ក្អួត ថប់ដង្ហើម និងស្រវាំងភ្នែក ។ តាមការអង្កេតរកមូលហេតុរបស់ក្រុមឆ្លើយតបបន្ទាន់ នៃមន្ទីរសុខាភិបាលខេត្តរតនគិរី និងអាជ្ញាធរមូលដ្ឋានបានធ្វើការសន្និដ្ឋានដោយដាក់ការសង្ស័យថា ការឈឺរបស់អ្នកជំងឺអាចបណ្ដាលមកពីការពុលម្ហូបអាហារ រឺហូប(ស្រា […]

ខេត្តរតនគិរី ៖ នេះបើតាមការលើកឡើង របស់លោក អៀម អឿន ប្រធានមន្ទីរអភិវឌ្ឍន៍ជនបទ ខេត្តរតនគិរី ខណៈលោកអញ្ជើញ អមដំណើរ ឯកឧត្តម គង់ ភឿន ប្រធាននាយកដ្ឋានផ្លូវជនបទនៃក្រសួងអភិវឌ្ឍន៍ជនបទនិងក្រុមការងារនាយកដ្ឋានផ្លូវជនបទ និងឯកឧត្តមឧត្តមសេនីយ៍ទោ សោម សុដេត កងវិស្វកម្ម ក្រសួងការពារជាតិកាលពីថ្ងៃទី២៦ ខែមករា ឆ្នាំ២០២៥ក្នុងឱកាស ចុះពិនិត្យបញ្ចប់ការដ្ឋានសាងសង់ស្ពានដែកបាឡេរបស់កងវិស្វកម្មក្រសួងការពារជាតិនៅចំណុចអូរទទឹង ស្ថិតក្នុងភូមិសាស្រ្ត ភូមិសាមខា ឃុំជ័យឧត្តម ស្រុកលំផាត់ និងភូមិនាងដី ឃុំសិរីមង្គលស្រុកកូនមុំ ខេត្តរតនគិរី។ លោក អៀម អឿន បន្តថា ក្រៅពីការងារ សាងសង់ស្ពានដែកបាឡេនេះ ក្រុមការងារកងវិស្វកម្ម នូវបានធ្វើការជួសជុលផ្លវចំនួន ០១ ខ្សែ មានប្រវែង៦,២០០ម៉ែត្រ ទទឹងខ្នងលើ៥ម៉ែត្រផងដែរ ហើយជាលទ្ធផលទាំងស្ពាន និងផ្លូវ សម្រេចរួចរាល់១០០%។ លោកថា ការសាងសង់ស្ពានដែកបាឡេនេះគឺមានរយៈពេលត្រឹម៤៦ថ្ងៃ គិតចាប់ពីថ្ងៃទី១២ ខែធ្នូ ឆ្នាំ២០២៤ចាប់ផ្តើមរហូតដល់បញ្ចប់ជាស្ថាពរថ្ងៃនេះ។ ចំពោះ ស្ថានភាពស្ពានពេលនេះគឺអាច ឆ្លងកាត់ជាបណ្តោះសន្ន ពីព្រោះ ទើបតែសាងសង់រួចថនៅមិនទាន់គ្រប់ថ្ងៃកំណត់របស់មេតុងអាមេនោះទេ ហើយស្ពាននេះទ្រទំងន់បានត្រឹមតែ១៥តោនតែប៉ុណ្ណោះ […]

ខេត្តរតនគិរី ៖ លោកវេជ្ជៈបណ្ឌិត អូន សាវុធ ប្រធានមន្ទីរពេទ្យបង្អែកខេត្តរតនគិរី បានអោយដឹងថា ការពិនិត្យ និងព្យាបាលជំងឺខាងលើនេះ មានរយៈពេល៤ថ្ងៃគឺចាប់ពីថ្ងៃទី២០ដល់ថ្ងៃទី២៣ ខែមករា ឆ្នាំ២០២៥។ ហើយរយៈពេល៤ថ្ងៃនេះឃើញថាប្រជាពលរដ្ឋដែលមានបញ្ហាភ្នែក ច្រមុះ បំពង់ក ត្រចៀក បានមកទទួលសេវាពិនិត្យ និងព្យាបាលដោយឥតគិតថ្លៃយ៉ាងច្រើនកុះករ។ លោកថា ការពិនិត្យ និងព្យបាលនេះ ខាងមន្ទីរពេទ្យបង្អែកខេត្តរតនគិរី សហការជាមួយមជ្ឈមណ្ឌលវះកាត់កុមារ(ពេទ្យគៀនឃ្លាំង) និង មានវេជ្ជ. Karl A.Holzinger មកពីសហរដ្ឋអាមេរិកចូលរួមពិនិត្យព្យាបាលផងដែរ ។ ជាលទ្ធផល ក្រុមគ្រូពេទ្យបានពិនិត្យ និងព្យបាលជំងឺភ្នែកជូនប្រជាពលរដ្ឋបានចំនួន៣៣០នាក់ក្នុងនោះ ជំងឺដក់ទឹកក្នុងភ្នែក០៧នាក់. ជំងឺបាយភ្នែក៧៥នាក់. កន្ទុយថ្លែន៥៨នាក់. រលាកភ្នាស សរ៣០នាក់. ភ្នែកធម្មតា២០០នាក់ និងបកបាយភ្នែក៤៧នាក់។ដោយឡែកអ្នកជំងឺ ត្រចៀក ច្រមុះ បំពង់ក ចំនួន១៧៨នាក់ ក៏បានទទួលការពិនិត្យ និងព្យាបាលផងដែរ។ សូមបញ្ជាក់ថា ហើយ ជារៀងរាល់ឆ្នាំ មជ្ឈមណ្ឌលវះកាត់កុមារ(ពេទ្យគៀនឃ្លាំង) បានមកធ្វើកិច្ចសហការណ៍ជាមន្ទីរពេទ្យបង្អែកខេត្តរតនគិរី ក្នុងការជួយវះកាត់អ្នកជំងឺក្រីក្រដោយឥតគិតថ្លៃ ដែលមានបញ្ហាភ្នែកឡើងបាយ ត្រចៀក បំពង់ក ច្រមុះនៅមន្ទីរបង្អែកខេត្តរតនគីរី៕

ខេត្តរតនគិរី ៖ ការលើកឡើងរបស់ ឯកឧត្តម ខ័ណ្ឌ ចំណានអភិបាលរងខេត្រតនគិរី យ៉ាងដូច្នេះធ្វើឡើងក្នុងឱកាស ពិធីបិទសន្និបាតបូកសរុបលទ្ធ ផលការងារអប់រំ យុវជន និងកីឡាសម្រាប់ឆ្នាំសិក្សា២០២៣-២០២៤ និងលើកទិសដៅឆ្នាំសិក្សា២០២៤- ២០២៥របស់មន្ទីរអប់រំយុវជននិងកីឡា នៃរដ្ឋបាលខេត្តរតនគិរី នាព្រឹកថ្ងៃទី២៤ ខែមករា ឆ្នាំ២០២៥។ ឯកឧត្តមបន្តថាយុទ្ធសាស្រ្តរាជារដ្ឋាភិបាលដែលបានដាក់ចេញនេះ គឺ ដើម្បីឆ្លើយតប ទៅនឹងតម្រូវការទី ផ្សារពលកម្មផង និងដើម្បីជំរុញឱ្យមានការផ្លាស់ប្តូរនៃរចនាសម្ព័ន្ធសេដ្ឋកិច្ច សង្គម និងវប្បធម៌ តាមរយៈ កម្មវិធីកំណែទម្រង់ស៊ីជម្រៅ ក្នុងបរិបទនៃទំនើបកម្ម ក្នុងវិស័យបច្ចេកវិទ្យា ដោយឈរលើមូលដ្ឋាននៃ ចំណេះដឹងកាត់បន្ថយ ភាពក្រីក្ររបស់ប្រជាជន ឆ្ពោះទៅរកការកសាងសង្គមកម្ពុជាសម្រេចបានឋានៈជា ប្រទេសចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសចំណូលខ្ពស់នៅឆ្នាំ២០៥០។ ឯកឧត្តមកបានចាត់ទុកសន្និបាត បូកសរុប ការងារអប់រំ យុវជន និងកីឡា នាថ្ងៃនេះគឺជាព្រឹត្តិការណ៍ដ៏សំខាន់ និងជាឱកាសសម្រាប់ឱ្យមន្ត្រីអប់រំ និងអ្នកពាក់ព័ន្ធសំខាន់ៗនៅថ្នាក់មូលដ្ឋានសាលារៀនបានមកជួបជុំគ្នា ប្រមូលនូវបញ្ញាញាណ ដើម្បីពិភាក្សា ផ្លាស់ប្តូរទស្សនៈ ចំណេះដឹង និងបទពិសោធន៍ ក្នុងគោលបំណងដោះស្រាយបញ្ហា និងរិះរកវិធានការបន្ត សម្រាប់កំណត់ទិសដៅ ឱ្យបានត្រឹមត្រូវសម្រាប់អនុវត្តនៅក្នុងឆ្នាំសិក្សាបន្ត។ និងសូម កោតសរសើរចំពោះអាជ្ញាធរគ្រប់លំដាប់ថ្នាក់ និងមន្ត្រីអប់រំគ្រប់លំដាប់ថ្នាក់ […]