លោកណយច័ន្ទតារា ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្ត បានអញ្ជើញចូលរួមវេទិកាសាធារណៈថ្នាក់ជាតិ ដើម្បីដោះស្រាយបញ្ហាប្រឈម និងតម្រូវការរបស់ប្រជាពលរដ្ឋនៅមូលដ្ឋាន ស្ថិតនៅក្រុមទួលស្វាយ​ ភូមិពូឡេះ​ ឃុំដាក់ដាំ​ ស្រុកអូររាំង​

ខេត្តមណ្ឌលគិរី ៖ នាព្រឹកថ្ងៃទី២១​ ខែកុម្ភះ​ ឆ្នាំ ២០២៥ អាជ្ញាធរស្រុកអូររាំង បានរៀបចំវេទិកាសាធារណៈថ្នាក់ជាតិដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ឋសាស្ដ្របញ្ចកោណ ដំណាក់កាលទី១របស់រាជរដ្ឋាភិបាលសម្រាប់នីតិកាលទី៧ ក្រោមអធិបតីភាព ឯកឧត្តម ជា​ ជុន​ អនុរដ្ឋលេខាធិការក្រសួងសាធារណៈការ​ និងដឹកជញ្ជូន និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកអូររាំង​ និងលោក នួន​ សារ៉ន​ អភិបាលរងខេត្ត ក្រុមការងារថ្នាក់ខេត្ត ចុះមូលដ្ឋានស្រុកអូររាំង​ ដោយមានការចូលរួមពីលោក​ សៀក​ មន្នី​ អភិបាលស្រុកអូររាំង​ កងកម្លាំងប្រដាប់អាវុធទាំងបីប្រភេទ លោក លោកស្រី ប្រធាន អនុប្រធានមន្ទីរអង្គភាពជុំវិញខេត្ត អាជ្ញាធរមូលដ្ឋាន និងប្រជាពលរដ្ឋច្រើនរូប ពិធីនេះបានប្រព្រឹត្តទៅនៅក្រុមទួលស្វាយ​ ភូមិពូឡេះ​ ឃុំដាក់ដាំ​ ស្រុកអូររាំងខេត្តមណ្ឌលគិរី។
ក្នុងនោះលោកអធិការនគរបាលស្រុកអូររាំងលោកបានចូលរួមផ្សព្វផ្សាយអំពីបញ្ហាគ្រឿងញៀន បទល្មើសព្រហ្មទណ្ឌផ្សេងៗក្នុងមូលដ្ឋាន ព្រមទាំងសំណូមពរអោយពលរដ្ឋធ្វើអត្តសញ្ញាណប័ណ្ណសញ្ជាតិខ្មែរគំរូថ្មីអោយបានគ្រប់ៗគ្នា។ ចំពោះពលរដ្ឋដែលមានបញ្ហា ឬឈឺស្កាត់ ឬឆ្លងទន្លេរគ្មានមធ្យោយធ្វើដំណើរសូមទាក់ទងមកសម្ថកិច្ចប៉ុស្តិ៍នគរបាល ឬអធិការ តាមរយៈលេខទូរសព្ទ ០៩៨៥៧៨៦៦៦៦។

ឆ្លៀតក្នុងឱកាសនោះ លោក ណយ ច័ន្ទតារា ក៏បានពាំនាំការផ្តាំផ្ញើរសួសុខទុក្ខ ពីសំណាក់ឯកឧត្តមហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជិវៈ ឯកឧត្តមថងសាវុន អភិបាលនៃគណៈអភិបាលខេត្ត ដែលតែងយកចិត្តទុកដាក់សុខទុក្ខបងប្អូនកម្មករ និយោជិត បងប្អូនប្រជាពលរដ្ឋក្នុងមូលដ្ឋាន ។ បន្លែមពីលើនោះ លោកបានបញ្ជាក់ផងដែរថា សម្រាប់បងប្អូនដែលអត់ជំនាញ អតការងារធ្វើ សូមការចុះឈ្មោះធ្វើការតាមរយៈរដ្ឋបាលមន្ទីរការងារ និងបណ្តុះបណ្តាលវិជ្ជាជីវៈខេត្តមណ្ឌលគិរី មិនតម្រូវឲ្យបង់ប្រាក់ទេ លោកធានារកកន្លែងផ្តល់ទាំងជំនាញបច្ចេកទេស និងផ្តល់ទាំងការងារ សំខាន់ អ្នកមិនចេះអក្សរក៏អាចចូលរៀន និងមានការងារធ្វើដែរ

-ពេលរៀនទទួលប្រាក់ឧបត្ថម្ភ 280000រៀល ក្នុង១ ខែ អ្នកមានបណ្ណ័ក្រីក្រ ក្រ1 និងក្រ2

-ធ្វើការងារផ្នែកកសិកម្ម ( ចំការ .. ) ទទួលបាន

– ប្រាក់ខែចាប់ពី 920000រៀល ក្នង១ ខែ

– ផ្តល់អាហារ 3 ពេលក្នុង១ ថ្ងៃ

ពិសេសបន្ទាប់ពីថៅកែរបស់អ្នក បានចុះឈ្មោះអ្នកចូលជាសមាជិក ប.ស.ស. និងមានប័ណ្ណសមាជិក ប.ស.ស. រួចរាល់ នោះលោកអ្នកនឹងទទួលបានការធានារ៉ាប់រងរបបសន្តិសុខសង្គមតាមរយៈ ប.ស.ស. ដូចខាងក្រោម៖–

ទទួលបានការធានារ៉ាប់រង ផ្នែកហានិភ័យការងារ–

ទទួលបានការធានារ៉ាប់រង ផ្នែកថែទាំសុខភាព

-ទទួលបានប្រាក់សោធន ពេលចាស់ធ្វើការលែងកើត (ចាប់ពីអាយុ៦០ឆ្នាំឡើងទៅ )
-រួមទាំងអត្ថប្រយោជន៍ផ្សេងៗ បន្ថែមទៀត

-និងសូមទំនាក់ទំនង ដាក់ពាក្យសិក្សាជំនាញបច្ចេកទេស ឬដាក់ពាក្យស្វែង រកការងារធ្វើតាមរយៈរដ្ឋបាលមន្ទីរការងារ និងបណ្តុះបណ្តាលវិជ្ជាជីវៈខេត្តមណ្ឌលគិរីផ្ទាល់រៀងរាល់ម៉ោងធ្វើការ ដែលមានទីតាំងនៅភូមិជ្រៃសែន សង្គាត់មនោរម្យ ក្រុងសែនមនោរម្យ ខេត្តមណ្ឌលគិរី ឬតាមលេខតេលេក្រាម0976797777 ៕