ខេត្តមណ្ឌលគិរី ៖ នៅព្រឹក ថ្ងៃចន្ទ ១០កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹង ថ្ងៃទី៧ ខែមេសា ឆ្នាំ២០២៥ លោក ឧត្តមសេនីយ៍ត្រី ទៀង សៅរតន៍ ស្នងការរងទទួលផែនអន្តោប្រវេសន៍ តំណាងដ៏ខ្ពង់ខ្ពស់លោក ឧត្តមសេនីយ៍ទោ ឡោ សុខា ស្នងការនគរបាលខេត្ត បានដឹកនាំលោក ស្នងការរងចុះជួបសំណេះសំណាល សួរសុខទុក្ខដល់កងកម្លាំងនគរបាល ដែលកំពុងបំរើការងារ ការពារថែរក្សា សុខសុវត្ថិភាព សណ្ដាប់ធ្នាប់ សាធារណៈ ជូនប្រជាពលរដ្ឋនៅតាមបណ្ដាប៉ុស្តិ៍នគរបាលរដ្ឋបាល បាននាំយកអំណោយនិងថវិកាដ៏ថ្លៃថ្លារបស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និង លោកជំទាវ ចែកជូនដល់កងកម្លាំងអធិការដ្ឋានស្រុកពេជ្រាដាថវិកា ចំនួន ៥០០,០០០៛ , ភេសជ្ជៈ ១០កេស , មីម៉ាម៉ា ១កេសធំ , ត្រីខ ១កេសធំ និងប៉ុស្តិ៍នគរបាលរដ្ឋ បាលទាំង ៤ប៉ុស្តិ៍ ដោយមួយប៉ុស្តិ៍ៗទទួលបានរួមមាន ៖ ថវិកា ចំនួន ៥០០,០០០៛ , ភេសជ្ជៈ ១០កេស , មីម៉ាម៉ា ១កេសធំ , ត្រីខ ១កេសធំ និងបងប្អូនប្រជាការពារចំនួន ៦០ នាក់ ដោយក្នុងម្នាក់ៗទទួលបានថវិកា ១ម៉ឺនរៀល ព្រមទាំងបានពាំនាំការផ្តាំផ្ញើរសាកសួរសុខទុក្ខពីសំណាក់ ឯកឧត្តម នាយឧត្តម សេនីយ៍ អគ្គស្នងការនគរបាលជាតិនិង លោកជំទាវដល់កងកម្លាំងនគរបាលជាតិ ដែលកំពុងឈរជើងនៅតាមប៉ុស្តិ៍រដ្ឋបាលបណ្ដាអធិការស្រុក និងជំរុញអោយកងកម្លាំងនគរបាលយើង បង្កើនការយកចិត្តទុកដាក់ អនុវត្តការងារឲ្យ បានល្អប្រសើរក្នុងតួនាទី បំពេញការងារជូនជាតិមាតុភូមិ ក៏សូមឲ្យបន្តការសហការល្អជាមួយបងប្អូនប្រជាការពារ បង្កើនការយាមល្បាតតាមតំបន់របស់ខ្លួនគ្រប់គ្រង។ ក៏បានថ្លែងអំណរគុណដល់បងប្អូននិងជូនពរឲ្យជួបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
