ខេត្តរតនគិរី ៖ នៅថ្ងៃទី២១ ខែមីនា ឆ្នាំ២០២៥ វេលាម៉ោង១៧ និង ០៥នាទី មានករណីគ្រោះថ្នាក់ចរាចរណ៍ កើតឡើងចំនួន០១លើក ស្មើ០១ករណី រវាងគោយន្តកែច្នៃនិងម៉ូតូទិសដៅស្របគ្នា(លិច-កើត) ស្ថិតនៅចំណុចផ្លូវជាតិលេខ៧៨ ទល់មុខការ៉ាស់សាំងឈ្មោះ អុីវ ផល្លា ភូមិប្លង់ ឃុំប៉ាតេ ស្រុកអូរយ៉ាដាវ ខេត្តរតនគិរី បណ្ដាលឱ្យមនុស្សស្លាប់ចំនួន០១នាក់ និងរងរបួសធ្ងន់ចំនួន០៤នាក់ និងរបួសស្រាលចំនួន០១នាក់។
១/អ្នកបើកបរគោយន្តកែច្នៃបានរត់គេចខ្លួនពីរកន្លែងកើតហេតុ។
២/អ្នកបើកបរម៉ូតូម៉ាក C-125 ផលិតឆ្នាំ២០១៩ ពាក់ស្លាកលេខ ព្រៃវែង 1G-6023 ពណ៌ខ្មៅ បើកបរដោយឈ្មោះ ម៉េត ដាណេ ភេទស្រី អាយុ២៨ឆ្នាំ ជនជាតិខ្មែរ មុខរបរ(គ្រូបង្រៀន)ទីលំនៅបច្ចុប្បន្ន ភូមិប្លង់ ឃុំប៉ាតេ ស្រុកអូរយ៉ាដាវ ខេត្តរតនគិរី គ្មានមួកសុវត្តិភាព(បានស្លាប់នៅកន្លែងកើតហេតុ)។
+អ្នករួមដំណើរឈ្មោះ ផល សម្បត្តិមេងហេង ភេទប្រុស អាយុ០៧ឆ្នាំ ជនជាតិខ្មែរ ទីលំនៅបច្ចុប្បន្ន ភូមិឃុំជាមួយគ្នា គ្មានមួកសុវត្តិភាព(រងរបួសស្រាល)។
+អ្នករួមដំណើរ ឈ្មោះធឿន សុវណ្ណនីការ ភេទស្រី អាយុ០៨ឆ្នាំ ជនជាតិខ្មែរ រស់នៅភូមិឃុំជាមួយគ្នា គ្មានមួកសុវត្តិភាព(រងរបួសធ្ងន់)។
៣/ អ្នកបើកបរម៉ូតូម៉ាក C-125 ផលិតឆ្នាំ២០១៤ ពណ៍ខ្មៅ ពាក់ស្លាកលេខ កំពង់ឆ្នាំង 1H-8433 បើកបរដោយឈ្មោះ ភៀង ដានី ភេទស្រី អាយុ១៧ឆ្នាំ ជនជាតិខ្មែរ ទីលំនៅបច្ចុប្បន្ន ភូមិអ៊ុន ឃុំលំជ័រ ស្រុកអូរយ៉ាដាវ ខេត្តរតនគិរី មុខរបរសិស្ស(គ្មានមួកសុវត្តិភាព)រងរបួសធ្ងន់។
+អ្នករួមដំណើរ ឈ្មោះឈុំ ឆៃយ៉ា ភេទស្រី អាយុ០៦ឆ្នាំ ជនជាតិខ្មែររស់នៅភូមិឃុំជាមួយគ្នាគ្មានមួកសុវត្តិភាព(រងរបួសធ្ងន់)។
+អ្នករួមដំណើរ ឈ្មោះឈុំ សុខហេង ភេទប្រុស អាយុ០៩ឆ្នាំ ជនជាតិខ្មែររស់នៅភូមិឃុំជាមួយគ្នាគ្មានមួកសុវត្តិភាព(រងរបួសធ្ងន់)។
* មូលហេតុ ÷
-គោយន្តកែច្នៃ(គ្មានស្លាកលេខ)បើកបរពីលិចទៅកើតក្នុងល្បឿនលឿនខ្វះការប្រុងប្រយ័ន្នបណ្តាលអោយបុករះម៉ូតូចំនួន០២គ្រឿងពីរក្រោយដែលធ្វើដំណើរស្របទិសគ្នាតែម្តង បណ្តាលអោយមនុស្សស្លាប់ចំនួន០១នាក់ រងរបួសធ្ងន់ចំនួន០៤នាក់ និងរបួសស្រាលចំនួន០១នាក់។
* ការខូចខាតរួមមាន÷
* មនុស្សស្លាប់ចំនួន០១នាក់ រងរបួសធ្ងន់ចំនួន ០៤នាក់ និងរបួសស្រាលចំនួន០១នាក់។
– ម៉ូតូចំនួន០២គ្រឿង ខូចខាតកំរិតធ្ងន់ និងគោយន្តកែច្នៃខូចខាតកម្រិតស្រាលចំនួន០១គ្រឿង។
បច្ចុប្បន្នៈ
-ជំនាញបានធ្វើកំណត់ហេតុប្រគល់សាកសពជូនទៅក្រុមគ្រួសារដើម្បីយកទៅធ្វើបុណ្យតាមប្រពៃណី និងអ្នករងរបួសធ្ងន់ចំនួន០៤នាក់ត្រូវបានបងប្អូនសាច់ញាតិដឹកបញ្ជូនទៅព្យាបាលនៅមន្ទីពេទ្យបង្អែកស្រុកបរកែវ ខេត្តរតនគិរី និង របួសស្រាលចំនួន០១នាក់ ត្រូវបានបងប្អូនសាច់ញាតិយកមកព្យាបាលនៅមណ្ឌលសុខភាពស្រុកអូរយ៉ាដាវ ខេត្តរតនគិរី។ មន្ត្រីនគរបាលចរាចរណ៍ខេត្តរតនគិរី សូមសំណូមពរដល់បងប្អូនប្រជាពលរដ្ឋទាំងអស់ បើកបរ ត្រូវពាក់មួកសុវត្ថិភាព និងគោរពច្បាប់ចរាចរណ៍។
វត្ថុតាងៈ-ម៉ូតូចំនួន០២រឿង និងគោយន្តកែច្នៃ០១គ្រឿង ខាងលើ ជំនាញបានយកមករក្សាទុកជាបណ្ដោះអាសន្ន នៅអធិការនគរបាលស្រុកអូរយ៉ាដាវដើម្បីបង្កសំណុំរឿងបញ្ជូនទៅតុលាការតាមនិតិវិធីច្បាប់៕
