ខេត្តរតនគិរី៖លោកជំទាវ ឃឹម សុខឃាង ញ៉ែម សំអឿន អនុប្រធានសហភាពសហព័ន្ធយុវជនកម្ពុជាខេត្តរតនគិរី (ស.ស.យ.ក) នៅរសៀលថ្ងៃទី១៩ ខែកញ្ញា ឆ្នាំ២០២៤បានដឹកនាំក្រុមយុវជន ស.ស.យ.ក ចំនួន៣៥នាក់ចូលរួម ដាំដើមផ្កាលម្អ អមសងខាងផ្លូវបេតុងចូលវត្តឧត្តមរតនារាម ហៅវត្តអូរចេង ស្ថិតក្នុងភូមិតាអង ឃុំតាអង ស្រុកកូនមុំ ខេត្តរតនគិរី។
លោកជំទាវ ឃឹម សុខឃាង ញ៉ែម សំអឿន មានប្រសាសន៍ថាដើម្បីរួមចំណែកលើកកម្ពស់សោភ័ណភាពទីអារាមវត្តអូរចេងនេះអោយមានភាពស្រស់បំព្រង លោកជំទាវបានជំទាវបានទិញដើមផ្កា
ចំនួន៣០០ផើង ដោយគិតជាថវិកាអស់ចំនួន ២,៤០០.០០០រៀល ជាថវិកាស.ស.យ.ក។ លោកជំទាវ មានជំនឿជាក់ថា នៅថ្ងៃខាងមុខ ដើមផ្កាដែលបានដាំនាពេលនេះ នឹងរីកស្គុះស្គាយ មានសម្រស់ស្រស់ស្អាតជាទីចាប់អារម្មរបស់របស់មហាជនទូទៅ ក៏ដូចជាប្រជាពុទ្ធបរិស័ទដែលមកធ្វើបុណ្យ ធ្វើទាននៅទីអារាមនេះផងដែរ៕
