Month: November 2024

ខេត្តមណ្ឌលគិរី៖ ជាលើកដំបូងក្នុងរយៈពេល ១០ឆ្នាំចុងក្រោយនេះ ដែលត្រឹមរយៈពេល ៣ថ្ងៃប៉ុណ្ណោះ ខេត្តមណ្ឌលគិរីទទួលបានភ្ញៀវទេសចរណ៍ជាងប្រាំម៉ឺននាក់ ដែលគ្រាកន្លងមករាល់ពិធីបុណ្យ ឬថ្ងៃឈប់សម្រាកធំៗ ខេត្តមួយនេះអាចទទួលបានភ្ញៀវប្រមាណមួយម៉ឺន ទៅពីរម៉ឺននាក់ប៉ុណ្ណោះ។ ការកើនឡើងនូវចំនួនភ្ញៀវទេសចរបែបនេះ ត្រូវគេមើលឃើញថា ដោយអាជ្ញាធរខេត្ត បានរៀបចំព្រឹត្តិការណ៍កម្សាន្តសប្បាយៗ ជាច្រើនក្នុងខេត្ត ដូចជា៖ ការប្រណាំងទូក ការប្រគំតន្រ្តី ការតាំងពិព័ណ៌ម្ហូបអាហារ និងសម្ភារៈផ្សេងៗ  បណ្តែតប្រទីប បណ្តែតកន្ទោង បង្ហោះគោម និងពិធីអកអំបុក សំពះព្រះខែជាដើម ដើម្បីបង្កភាពសប្បាយរីករាយ និងអាចទាក់ទាញភ្ញៀវទេសចរមកទស្សនាកម្សាន្តផងដែរ។ ឯកឧត្តម ថង សាវុន អភិបាលខេត្តមណ្ឌលគិរី មានប្រសាសន៍ថា នេះគឺជាឆ្នាំដំបូងដែលខេត្តមណ្ឌលគិរី បានរៀបចំនូវព្រឹត្តិការណ៍ការប្រណាំងទូក ដើម្បីអបអរសាទរ នៅក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៤ បានបង្កនូវភាពសប្បាយរីករាយ ជូនដល់សាធារណជន ក៏ដូចជាភ្ញៀវទេសចរជាតិ និងអន្តរជាតិ ដែលបានមកទស្សនាកម្សាន្ត ក្នុងខេត្តមណ្ឌលគិរីនាពេលនេះ។ ឯកឧត្តម អភិបាលខេត្ត បន្តថា ថ្វីត្បិតតែនេះគឺជាឆ្នាំដំបូង សម្រាប់ខេត្តមណ្ឌលគិរី ក្នុងការរៀបចំពិធីប្រណាំងទូកនេះ ប៉ុន្តែយើងរៀបចំបានយ៉ាងល្អប្រសើរ ប្រកបដោយភាពរលូន និងទទួលបានជោគជ័យ […]

ខេត្តកំពង់ស្ពឺ៖អ្នកនាំពាក្យសាលាដំបូងខេត្តកំពង់ស្ពឺមានកិត្តិយស សូមគោរពជម្រាបជូនដល់សាធារណជននិងអ្នកសារព័ត៌មានមេត្តាជ្រាបថា ព្រឹកថ្ងៃទី ១៤ ខែវិច្ឆិកា ឆ្នាំ ២០២៤ នេះសាលាដំបូងខេត្តកំពង់ស្ពឺ បានទទួលចាត់ការលើសំណុំរឿងព្រហ្មទណ្ឌលេខ ១៨ ៩៩ ចុះថ្ងៃទី ១៤ ខែវិច្ឆិកា ឆ្នាំ២០២៤ ទាក់ទងនឹងករណីរក្សាទុកដោយខុសច្បាប់នៅសាធាតុញៀន។ ការចាប់ខ្លួនលោក សុខ ស៊ុនណារ៉េត ឪពុកបង្កើតរបស់ ស៊ន ដារ៉ា ជាបទល្មើសព្រហ្មទណ្ឌពាក់ព័ន្ធនឹងករណីគ្រឿងញៀន មិនមែនមានការពាក់ព័ន្ធនឹងកិច្ចការកងទ័ព ឬកិច្ចការនយោបាយឡើយ!៕

  ខេត្តមណ្ឌលគិរី៖ថ្ងៃទី១៥ ខែវិច្ឆិកា ឆ្នាំ២០២៤ ករណីគ្រោះថ្នាក់ចរាចរណ៍រថយន្តរវាងម៉ូតូ ទីសដៅស្របគ្នា ម៉ូតូមកពីរលិចទៅដល់ចំណុចកើតហេតុ (លាងឡាន) រថយន្តចេញពីរផ្ទះលាងឡាន បណ្តាលឲ្យម៉ូតូបុករថយន្តចំទ្វាខាងស្តាំអ្នកបើកបរ។ អ្នកបើកបរ ជាម្ចាស់រថយន្តបានយកជនរងគ្រោះទៅសង្រោះនៅមន្ទីរពេទ្យខេត្ត លោកក៍មានចិត្តធម៍ទៅលើជនរងគ្រោះដែលជាប្រជាការពារភូមិចេញថ្លៃព្យាបាលផងដែរ។ សមត្ថកិច្ចបានធ្វើការវាស់វែង សម្របសម្រួលនៅនឹងកន្លែងបញ្ចប់រឿង៕

ភ្នំពេញ៖ ព្រះករុណាព្រះបាទសម្តេចព្រះបរមនាថ នរោត្ដម សីហមុនី ព្រះមហា​ក្សត្រនៃព្រះរាជាណាចក្រកម្ពុជា ព្រះអង្គសព្វព្រះរាជហឫទ័យ ស្តេច​យាងជាព្រះរាជាធិបតី ក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នារសៀល​ថ្ងៃទី១៤ ខែវិច្ឆិកា ឆ្នាំ២០២៤ ដែលប្រារព្ធឡើងនៅទន្លេចតុមុខ មុខព្រះបរមរាជវាំង រាជធានីភ្នំពេញ។ ព្រះរាជពិធីនេះ ក៏មានការយាង និងអញ្ជើញចូលរួមពីថ្នាក់ដឹកនាំព្រឹទ្ធ​សភា រដ្ឋសភា រាជរដ្ឋាភិបាល បណ្តា​អង្គទូតនានាប្រចាំព្រះរាជាណា​ចក្រកម្ពុជា ព្រះញាតិវង្សានុវង្ស និងភ្ញៀវកិត្តិយសជាតិ-អន្តរ​ជាតិ​ជាច្រើនរូប។ សូមជម្រាបថា ក្នុងឱកាសនៃព្រះរាជពិធីបុណ្យអុំទូក បណ្ដែតប្រទីប និង សំពះព្រះខែ អកអំបុក ឆ្នាំ២០២៤នេះ មានទូកចូលរួមប្រកួតសរុបចំនួន ៣៤៦ទូក ក្នុងនោះមានជាប្រភេទទូកអុំ ទូកចែវ និងទូកខ្នាតអន្តរជាតិ៕

ខេត្តមណ្ឌលគិរី ៖ តាមសេចក្ដីរាយការណ៍ថា ម៉ោងប្រមាណ ២យប់មិញ (១៣/១១/២៤) ។សកម្មជនព្រៃឈើលោក តាន់ គឹមសួរ និងមន្ត្រីពីរដ្ឋបាលព្រៃឈើប្រហែល១០នាក់ បានឆ្មក់ឃាត់រថយន្តដឹកឈើចំនួន ៥ គ្រឿង និងមនុស្សពីរនាក់ក្នុងភូមិសាស្ត្រស្រុកកែវសីមា ខេត្តមណ្ឌលគិរី ។ ក្រោយការឃាត់ទើបពួកគេអញ្ជើញក្រុមមន្ត្រីបរិស្ថានឲ្យទៅទទួលវត្ថុតាង និងមនុស្សទាំងនោះ …។ អង្គភាពយើងខ្ញុំ បានខលទៅលោកស៊ិន ស៊ីថា នាយកដែនជម្រកសត្វព្រៃកែវសីមា ទូរសព្ទចូលតែគ្មានអ្នកលើកវេលាម៉ោង១០.១០នាទី ថ្ងៃទី១៣ ខែវិច្ឆិកា ឆ្នាំ២០២៤។ អង្គភាពយើងខ្ញុំបានខលទៅលោកជ័យ សុខាផ្នែករដ្ឋបាលព្រៃឈើស្រុកកែវសីមាបានឲ្យដឹងថា គឺផ្នែករដ្ឋបាលព្រៃឈើថ្នាក់ជាតិ និងលោកតាន់ គឹមសួរបានឃាត់រថយន្តផ្ទុកឈើច្រៀកសន្លឹកទ្វារពាក់កណ្ដាលសម្រេច ត្រូវបានប្រគល់វត្ថុតាងរថយន្តនិងឈើផ្ទុកក្នុងរថយន្តទាំង៥គ្រឿងឱ្យមន្ត្រីបរិស្ថានដែនជម្រក សត្វព្រៃកែវសីមា បន្តនីតិវិធី៕ព័ត៌មានបឋម

ភ្នំពេញ៖ បន្ទាប់ពីបានសួរចម្លើយជនត្រូវចោទ និងពិនិត្យភស្តុតាង ចៅក្រមស៊ើបសួរសាលាដំបូងរាជធានីភ្នំពេញបានសម្រេចឃុំខ្លួនបណ្តោះអាសន្ន លើជនត្រូវចោទឈ្មោះ អ៊ុត ធី និងឈ្មោះ មួង ឃីម ដើម្បីបន្តការស៊ើបសួរតាមនីតិវិធីច្បាប់។ សូមរំលឹកថា លោក អ៊ុត ធី និងលោក មួង ឃីម ត្រូវបានឃាត់ខ្លួនកាលពីថ្ងៃទី១០ ខែវិច្ឆិកា និងត្រូវបានអង្គភាពប្រឆាំងអំពើពុករលួយ (ACU) បញ្ជូនទៅកាន់តុលាការកាលពីថ្ងៃទី១១ ខែវិច្ឆិកា ឆ្នាំ២០២៤៕

ភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនបណ្តោះអាសន្នលើជនត្រូវចោទឈ្មោះ ឡាយ វិសិដ្ឋ អភិបាលរងខេត្តពោធិ៍សាត់ ដាក់ពន្ធនាគារពាក់ព័ន្ធករណីរត់ការចង់ធ្វើអភិបាលខេត្ត អស់ប្រាក់៥៧ម៉ឺនដុល្លារ។

ភ្នំពេញ ៖ រដ្ឋសភា ចេញសេចក្តីប្រកាសថ្កោលទោសការប្រើពាក្យសម្តីអសុរោះ និងឥរិយាបថមិនគប្បីមកលើថ្នាក់ដឹកនាំកំពូលរបស់ជាតិរបស់សមាជិកក្រុមជ្រុលនិយមនៅក្រៅប្រទេស៕

ភ្នំពេញ ៖ អង្គភាពប្រឆាំងអំពើពុករលួយ បានឃាត់ខ្លួនលោក កន សុខកាយ អតីតអភិបាលស្រុកល្វាឯម ពាក់ព័ន្ធករណីសូកប៉ាន់យក​តំណែងតាមរយៈក្រុមលោក លី សាម៉េត ហៅគ្រូមា ក្នុងទំហំទឹកប្រាក់ ៣០ម៉ឺនដុល្លារអាម៉េរិក។ បន្ទាប់ពីសាកសួរ និងស្តាប់ចម្លើយរួច អង្គភាពប្រឆាំងអំពើពុករលួយបានបញ្ជូនលោក កន សុខកាយ ទៅតុលាការនៅរសៀលថ្ងៃទី១២ ខែវិច្ឆិកា ឆ្នាំ២០២៤។ អ្នកនាំពាក្យអង្គភាពប្រឆាំងអំពើពុករលួយលោក សយ ច័ន្ទវិចិត្រ  បានឲ្យដឹងនៅរសៀលថ្ងៃទី១២ ខែវិច្ឆិកា នេះថា ៖ “អង្គភាពប្រឆាំងអំពើពុករលួយ បានឃាត់ខ្លួនគាត់ កាលពីថ្ងៃអាទិត្យ ទី១០ ខែវិច្ឆិកា ឆ្នាំ២០២៤។ ហើយរសៀលថ្ងៃទី១២ ខែវិច្ឆិកា នេះ បានបញ្ជូនសំណុំរឿងគាត់ទៅអយ្យការអមសាលាដំបូងរាជធានីភ្នំពេញហើយ។ គាត់ជាប់សង្ស័យពីការប៉ុនប៉ង សូកប៉ាន់ ដើម្បីរកតំណែង”៕

ភ្នំពេញ ៖ ថ្ងៃទី១២ ខែវិច្ឆិកា ឆ្នាំ២០២៤ សេចក្តីប្រកាសព័ត៌មានស្តីពីលទ្ធផលជំនួបរវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្ដម Remco Johannes van Wijngaarden ឯកអគ្គរាជទូត ព្រះរាជាណាចក្រហូឡង់ដ៍ ប្រចាំព្រះរាជាណាចក្រកម្ពុជា៕