សំណេរ អមតៈ

ខេត្តរតនគិរី ៖ ពិធីនេះត្រូវបានប្រារព្ធធ្វើឡើងនៅសាលប្រជុំ មន្ទីរពាណិជ្ជកម្មខេត្តរតនគិរី ព្រឹកថ្ងៃទី១១ ខែ កុម្ភៈ ឆ្នាំ ២០២៥ ក្រោមអធិបតីភាព ឯកឧត្តមម៉ៅ ថូរ៉ា រដ្ឋលេខាធិការ ក្រសួងពាណិជ្ជកម្ម និងលោក នាង សំអាត អភិបាលរងខេត្ត និងមានការចូលរួមពីសំណាក់ បេក្ខភាពឈរឈ្មោះ ម្ចាស់ក្រុមហ៊ុន ម្ចាស់សហភាគ្រាសដែលកំពុងមានប្រតិបត្តិការក្នុងខេត្ត និងថ្នាក់ដឹកនាំ មន្ទីរជំនាញពាក់ព័ន្ធ ព្រមទាំងអ្នកពាក់ព័ន្ធជាច្រើនរូបទៀត។ នៅក្នុងឱកាសនេះ លោក នាង សំអាត អភិបាលរងខេត្តរតនគិរី បានលើកឡើង ពីកំណើនសេដ្ឋកិច្ចរបស់ប្រជាពលរដ្ឋក្នុងខេត្ត ដែលមានកំណើន គួរឲ្យកត់សម្គាល់ បើប្រៀបធៀបជាមួយកំណើនសេដ្ឋកិច្ចប្រជាពលរដ្ឋទូទាំងប្រទេស ជាពិសេសស្ថានភាព ទំហំពាណិជ្ជកម្មក្នុងខេត្តរតនគិរីដែលផ្តល់ភាពងាយស្រួលច្រើន សម្រាប់ការចរាចរ ព្រោះខេត្តរតនគិរី មានព្រំដែនជាប់ ប្រទេសជិតខាង មានច្រកអន្តរជាតិ ដែលធ្វើឲ្យមានកំណើន សេដ្ឋកិច្ចយ៉ាងឆាប់រហ័សស្របទៅនឹងស្ថានភាពខេត្តពោរពេញទៅដោយសក្តានុពល លើវិស័យកសិកម្ម និងកសិឧស្សាហកម្មខ្ពស់ផងដែរ។ ឯកឧត្តម ម៉ៅ ថូរ៉ា លើកឡើងថា ដោយផ្អែកតាមស្ថានភាពសេដ្ឋកិច្ចកម្ពុជានាពេលបច្ចុប្បន្ន មានការរីកចម្រើនលើគ្រប់វិស័យ ជាពិសេសនៅតាមបណ្ដាលរាជធានី-ខេត្ត ទូទាំងប្រទេស បានធ្វើឲ្យខេត្តមួយចំនួន […]

ខេត្តមណ្ឌលគិរី ៖ នាព្រឹកថ្ងៃទី១០ ខែកុម្ភៈ ឆ្នាំ២០២៥ ឯកឧត្តមបណ្ឌិត អ៊ាង សុផល្លែត រដ្ឋមន្ត្រី ក្រសួងបរិស្ថាន នៅក្នុងពិធីប្រកាសចូលកាន់មុខតំណែងប្រធានមន្ទីរបរិស្ថានខេត្តមណ្ឌលគិរី  នៅសាលាប្រជុំ អគារ “ខ” បានមានប្រសាសន៍ថា ខេត្តមណ្ឌលគិរីសម្បូរដោយសម្បត្តិធម្មជាតិ ជាពិសេសរមណីយដ្ឋានធម្មជាតិ វប្បធម៌ និងប្រវត្តិសាស្រ្តជាច្រើន ដែលប្រធានមន្ទីរបរិស្ថានខេត្តមណ្ឌលគិរី ដែលទើបទទួលភារកិច្ចថ្មី ត្រូវបង្កើនកិច្ចសហប្រតិបត្តិការ ឲ្យបានល្អបំផុតជាមួយភាគីពាក់ព័ន្ធ ជាពិសេសជាមួយអាជ្ញាធរមូលដ្ឋាន ក្នុងការសម្រេចឲ្យបាននូវភាពល្អស្អាត ធ្វើឱ្យទីសាធារណៈគ្មានសំរាម សំណល់ប្លាស្ទិក បង្កើនឲ្យមានទម្លាប់ល្អជាមួយសិស្សានុសិស្ស និងជំរុញឱ្យប្រជាពលរដ្ឋ មានយកចូលរួមចេះទុកដាក់សំរាមឲ្យបានត្រឹមត្រូវ។ ឯកឧត្តមរដ្ឋមន្រ្តី បានបន្តថា ភាពស្អាតនៅក្នុងខេត្តមណ្ឌលគីរី នឹងទាក់ទាញភ្ញៀវទេសចរណ៍ជាតិ និងអន្តរជាតិមកលេងកម្សាន្តច្រើនឡើងថែមទៀតនៅក្នុងពេលខាងមុខ។ ជាមួយគ្នានេះ ឯកឧត្តមបណ្ឌិត អ៊ាង សុផល្លែត បានថ្លែងបន្តែមថា ប្រធានមន្ទីរបរិស្ថានថ្មី ត្រូវបន្តយកចិត្តទុកដាក់អនុវត្តច្បាប់  ដើម្បីទប់ស្កាត់ និងបង្រ្កាបបទល្មើសកាប់ រុករាន ដីព្រៃធ្វើជាកម្មសិទ្ធិខុសច្បាប់ ក្នុងទឹកដីខេត្តមណ្ឌលគិរី ដើម្បីធានាការគ្រប់គ្រងធនធានធម្មជាតិ ការអភិរក្សជីវៈចម្រុះ សម្រាប់ការអភិវឌ្ឍដោយចីរភាព។ ឯកឧត្តមរដ្ឋមន្រ្តីក្រសួងបរិស្ថាន បានមានប្រសាសន៍ផងដែរថា ក្រសួងបរិស្ថាន នឹងអាចផ្តល់ជូនដ្រូនបន្ថែមទៀត ដល់មន្ទីរបរិស្ថានខេត្ត […]

ខេត្តរតនគិរី ៖ ឯកឧត្តម គួច វែងស្រ៊ុន រដ្ឋលេខាធិការទីស្តីការគណៈរដ្ឋមន្រ្តី អមដំណើរដោយឯកឧត្តម ញ៉ែម សំអឿន អភិបាលខេត្តរតនគិរី នៅព្រឹកថ្ងៃទី០៩ ខែកុម្ភៈ ឆ្នាំ២០២៥ នេះ បានអញ្ជើញចុះពិនិត្យស្ពានដែកបាឡេមួយកន្លែងជាចំណងដៃដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ជូនប្រជាពលរដ្ឋស្រុកលំផាត់ និងស្រុកកូនមុំ ដែលកងកម្លាំងវិស្វកម្មសម្រេចការសាងសង់រួចរាល់ជាស្ថាពរ។ ថ្លែងក្នុងឱកាសនេះ ឯកឧត្តម គួច វែងស្រ៊ុនបានលើកឡើងថា ឆ្លើយតបទៅនឹងសំណូមពរនិងសេចក្តីត្រូវការចាំបាច់របស់ប្រជាពលរដ្ឋក្នុងស្រុកលំផាត់ និងស្រុកកូនមុំខេត្តរតនគិរីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា នៅក្នុងឱកាស អញ្ជើញ សម្ពោធ ទំនប់អូរតេធិបតីនៅខេត្តមណ្ឌលគរី កាលពីថ្ងៃទី២៤ ខែតុលា ឆ្នាំ ២០២៤ សម្តេចធិបតីសម្រេចអោយកងវិស្វកម្ម និងក្រសួងអភិវឌ្ឍន៍ជនបទចុះសិក្សាសាងសង់ស្ពានដែក បាឡេជូនប្រជាពលរដ្ឋ ទាំងពីរស្រុកទុកជាចំណងដៃតែម្តងដែលមានបណ្តោយ ២៧ម៉ែត្រ ទទឹង៤. ០២ម៉ែត្រ។ពោលគឺ ទីណាដែលមានប្រជាពលរដ្ឋជួបការលំបាក ទីនោះគឺត្រូវបានគិតគូយកចិត្តដោះស្រាយពីសំណាក់រាជរដ្ឋាភិបាលជាជានិច្ច។ បច្ចុប្បន្នស្ពាននៅចំណុចអូរទទឹង ស្ថិតក្នុងភូមិសាស្រ្ត ភូមិសាមខា ឃុំជ័យឧត្តម ស្រុកលំផាត់ និងភូមិនាងដី ឃុំសិរីមង្គលស្រុកកូនមុំ ខេត្តរតនគិរី […]

ខេត្តមណ្ឌលគិរី ៖ រថយន្តក្រុងដឹកមនុស្ស ប្រុសស្រីចំនួន ៤៦នាក់ ត្រូវបានជួបគ្រោះថ្នាក់ចរាចរណ៍ដោយខ្លួនឯង ពេលកំពុងធ្វើដំណើរចុះចំណោតកែងខ្លាំង។ ហេតុការណ៍បានកើតឡើងនៅវេលាម៉ោងជាង៩ព្រឹក ថ្ងៃទី៧ខែកុម្ភៈឆ្នាំ២០២៥ ស្ថិតក្នុងសង្កាត់រម្យនា ក្រុងសែនមនោរម្យ ខេត្តមណ្ឌលគិរី។ នេះបើតាមការឲ្យដឹងពីលោក ចាន់ ទិត្យ ស្នងការងការិយាល័យនគរបាលចរាចរណ៍ផ្លូវគោកនៃស្នងការដ្ឋាននគបាលខេត្តមណ្ឌលគិរី បានអោយដឹងថា មានរថយន្តក្រុងមួយគ្រឿងពាក់ស្លាកលេខ ៣D.៦៥.៨៤ បានធ្វើដំណើរពីរាជធានីភ្នំពេញ ឆ្ពោះទៅរមណីយដ្ឋានទឹកជ្រោះប៊ូស្រា មកដល់ចំណុចកើតហេតុ ក៏បានជ្រុលចង្កូតទៅបុកនឹងជញ្ជាំងភ្នំតែម្តង។ លោកបានបន្ថែមផងដែរថា ក្នុងរថយន្តក្រុងនោះមានអ្នករួមដំណើរសរុបចំនួន៤៦នាក់ (មានសង្ឃ០៣អង្គ) របួសធ្ងន់០៣នាក់ (ស្រី០២ ប្រុស០១) និងរបួសស្រាល ១១នាក់ (ស្រី០៤ ប្រុស០៧) នៅក្នុងហេតុការណ៍រថយន្តក្រុងបុកជញ្ជាំងភ្នំដោយខ្លួនឯងនោះមិនមាននរណាម្នាក់ គ្រោះថ្នាក់ដល់អាយុជីវិតនោះឡើយ៕

ខេត្តរតនគិរី ៖ ថ្លែងនៅក្នុងកិច្ចប្រជុំ ស្តីពីការជម្រុញការធ្វើបញ្ជីសារពើភណ្ឌទ្រព្យសម្បត្តិរដ្ឋប្រចាំឆ្នាំ២០២៤ (ឆ្នាំគោល)របស់មន្ទីរអង្គភាព រដ្ឋបាលក្រុងស្រុក ឃុំសង្កាត់ដែលបានប្រារព្ធធ្វើឡើងនៅសាលប្រជុំអគារDសាលាខេត្តព្រឹកថ្ងៃទី៧ ខែកុម្ភៈ  ឆ្នាំ២០២៥ ឯកឧត្តម ងិន ណែល  អភិបាលរងខេត្តរតនគិរីលើឡើងថា មាត្រា៣២ នៃអនុក្រឹត្យលេខ ៦៦អនក្រ.បកបានចែងថា ការមិនគោរពឬមិនអនុវត្តតាមលិខិតបទដ្ឋានជាធរមាន ក្នុងការគ្រប់គ្រងទ្រព្យសម្បត្តិរដ្ឋ អាចជាកម្មវត្ថុនៃការអនុវត្តវិធានការរឹតត្បិតផ្សេងៗ រួមទាំងការបន្តឹងចំណាយ នៅក្នុងការរៀបចំនិងការអនុវត្តថវិកាប្រចាំឆ្នាំ។  និងយោងសារាចរលេខ ០១៧សហវ.សរអថ ស្តីពីការអនុវត្តច្បាប់ហិរញ្ញវត្ថុសម្រាប់ការគ្រប់គ្រងឆ្នាំ២០២៥ ត្រង់ចំណុចទី៧ ចែងថា ត្រូវបន្តចាត់វិធានការរឹតបន្តឹងខាងចំណាយ ដោយស្នើបន្ថយចំណាយចរន្តនៃកញ្ចប់ ថវិកាប្រចាំឆ្នាំដែលបានអនុម័តរួចក្នុងជំពូក៦០ និង៦១ ចំនួន ៣% ចំពោះអាជ្ញាធរកាន់កាប់ទ្រព្យសម្បត្តិរដ្ឋដែលពុំបានរៀបចំ និងផ្តល់បញ្ជីសារពើភណ្ឌទ្រព្យសម្បត្តិរដ្ឋទាន់ពេលវេលា។ ឯកឧត្តមបន្តថា ជាលទ្ធផលកន្លងសង្កេតឃើញថា មន្ទីរអង្គភាពជុំវិញខេត្ត មួយចំនួនមានការយឺតយ៉ាវក្នុងការធ្វើកិច្ចការនេះ និងជាពិសេសរដ្ឋបាល ក្រុងស្រុក ឃុំសង្កាត់ ភាគច្រើនហាក់មិនសូវយកចិត្តទុកដាក់នោះឡើយ ដែលទង្វើនេះផ្ទុយទាំងស្រុងពីកិច្ចខិតខំប្រឹងប្រែងរបស់រាជរដ្ឋាភិបាលក្នុងការគ្រប់គ្រងទ្រព្យសម្បត្តិរបស់រដ្ឋឲ្យមានប្រសិទ្ធិភាព ទោះបីជាមានការជម្រុញជាច្រើនលើកច្រើនសារក៏ដោយ។ មួយវិញទៀត ការគ្រប់គ្រងអចលនទ្រព្យ ដែលជាទ្រព្យសម្បត្តិរបស់រដ្ឋ នៅមិនទាន់បានគ្រប់ជ្រុងជ្រោយ ដោយមានដីខ្លះនៅមិនទាន់បានចុះក្នុងបញ្ជីសារពើភណ្ឌ និងដីខ្លះទៀតដែលបានចុះក្នុងបញ្ជីសារពើភណ្ឌរួច តែមិនទាន់បានស្នើសុំធ្វើបណ្ណកម្មសិទ្ធិនៅឡើយ។ ឯកឧត្តមអភិបាលរងខេត្ត បានស្នើឲ្យគ្រប់មន្ទីរ អង្គភាព និងរដ្ឋបាលថ្នាក់ក្រោមជាតិទាំងអស់ […]

ភ្នំពេញ៖ លោកណន សុខហេង ជាអ្នកខេត្តក្រចេះ បានទទួលថវិការពីសម្តេចតេជោ «ហាងនំប៉័ងសម្ដេចតាចិត្តធម៌» ជាឈ្មោះយីហោហាងនំ​របស់​លោក ណន សុខហេង លើទឹកដីខេត្តក្រចេះ។ តើបងប្អូននៅចងចាំរឿងរ៉ាវរបស់លោក ណន សុខហេង ដែរទេ? លោក ណន សុខហេង ជាអ្នកខេត្តក្រចេះ ដែលរសាត់អណ្តែតឆ្ងាយផ្ទះ​ស៊ីឈ្នួលគេ ព្រោះខឹងថៅកែមិនបើកលុយឱ្យ ក៏ចាប់ឆ្កែរបស់គេទៅ។ បន្ទាប់​មកម្ចាស់ឆ្កែ បានប្តឹងលោក ណន សុខហេង ឡើងតុលាការ។ ក្រោយ​ដំណឹង​គួរឱ្យអាសូរនេះ បានឮដល់សម្តេចតេជោ ហ៊ុន សែន, សម្តេច​ក៏​បាន​​ជួយសម្របសម្រួលឱ្យរូបគេ បានរួចពីបណ្តឹង ហើយសម្តេច ​ក៏បាន​ឧបត្ថម្ភថវិកាចំនួន ១០,០០០ដុល្លារអាមេរិក និង ៣៥លានរៀល ព្រមទាំង​បានបង្កើតអាជីវកម្មឡដុតនំប៉័ង​មួយនៅក្នុង​ក្រុងក្រចេះ ខេត្តក្រចេះ ដល់​រូប​គេផងដែរ ដើម្បីប្រកបរបរចញ្ចឹមគ្រួសារ។ ជួបគ្រោះ ក៏ទទួលបានលាភ។ រាប់ចាប់ពីត្រឹមថ្ងៃដែលសម្តេចតេជោ បាន​ជួយរំដោះរូបគេពីបណ្តឹងរបស់ថៅកែ មកដល់ពេលនេះ មានរយៈពេល ៣ខែ ៥ថ្ងៃហើយ។ ពេលនេះលោក ណន សុខហេង បានធ្វើឡដុតនំបុ័ងរួចរាល់ ហើយក៏​រៀន​ចេះ​ពីវិធីដុតនំប័ុង និងបានចាប់ផ្ដើមអាជីវកម្មដុតនំប័ុង​លក់បាន៣​ថ្ងៃ​រួចហើយ ដោយបានដាក់ឈ្មោះហាងថា «ហាងនំប៉័ងសម្ដេចតាចិត្តធម៌»។ ជាមួយនឹងសមិទ្ធផលនេះ […]

ខេត្តរតនគិរី ៖ ក្រោយពីគោយន្តដឹកដំឡូងមីក្រឡាប់ផ្ងារជើង លើស្ពានឈើមួយខ្សែ ដែលបណ្ដាលមកពីការបាក់ស្ពានកាលពីព្រឹកថ្ងៃទី 2 កន្លងទៅនោះ ។ មកដល់បច្ចុប្បន្ន កម្លាំងអាជ្ញាធរស្រុកអណ្តូងមាស សហការ ជាមួយក្រុមហ៊ុន បានសាងសង់ស្ពានឈើថ្មី រួចរាល់ជាស្ថាពរហើយ ។ ជាក់ស្តែងកាលពីថ្ងៃទី ០៥ ខែកុម្ភៈ ឆ្នាំ២០២៥ វេលាម៉ោង២ និង ៣០នាទីរសៀល លោក ឡុក សេង តំណាងអោយអភិបាលស្រុកអណ្តូងមាស និង លោកមេឃុំ មេភូមិ ព្រមទាំងកម្លាំងប៉ុស្តិ៍ តាឡាវ បានចុះទៅត្រួតពិនិត្យមើលស្ថានភាពស្ពានឈើមួយខ្សែ ដែលទើបសាងសង់រួចប្រវែង១២ម៉ែត្រ មានទីតាំងស្ថិតនៅភូមិ អុីន ឃុំតាឡាវ ស្រុកអណ្តូងមាស ខេត្តរតនគិរី ត្រង់ចំណុច អូរកាតឹម ។ លោក ឡុក សេង តំណាងអភិបាលស្រុកបានឲ្យដឹងថា :  សម្រាប់ស្ពានឈើទ្រុឌទ្រោមផ្សេងទៀត យើងអាចដោះស្រាយជួសជុលតាមជាក់ស្តែង កន្លែងណាដែលពិបាកយើងនឹងផ្ដល់អាទិភាពទៅកន្លែងហ្នឹងមុន ប៉ុន្តែបើឲ្យធ្វើទាំងអស់តែម្ដង គឺវាមិនអាចទេ ។ បងប្អូនប្រជាពលរដ្ឋបានសម្ដែងការសប្បាយចិត្តជាខ្លាំងនិង អរគុណដល់ក្រុមហ៊ុន និង […]

ខេត្តរតនគិរី ៖ រសៀលថ្ងៃទី០៥ ខែកុម្ភៈឆ្នាំ២០២៥ ក្រោមអធិបតីភាព លោក កុល ផាន់ណា ប្រធានមន្ទីរព័ត៌មានខេត្តរតនគិរី ជាផ្នែកមួយនៃការអភិវឌ្ឍមូលធនមនុស្សដែលមានចំណេះជំនាញពិតប្រាកដ ក្នុងគោលដៅពង្រឹងគុណភាព នៃការផលិតព័ត៌មានឱ្យកាន់តែប្រសើរថែមទៀតមន្រ្តីជំនាញការិយាល័យទូរទស្សន៍ ការិយាល័យវិទ្យុ និងការិយាល័យ “AKP” នៃពីមន្ទីរព័ត៌មានខេត្តរតនគិរីសរុប១៧នាក់ បានទទួលការបណ្តុះបណ្តាលស្តីពីការសរសេរអត្ថបទដំណឹងខ្លី និងបច្ចេកទេសប្រើប្រាស់ម៉ាស៊ីនថតរូប  វគ្គបណ្តុះបណ្តាលនេះ ប្រារព្ធធ្វើឡើងនៅសាលប្រជុំមន្ទីរព័ត៌មានខេត្តរតនគិរី។ ថ្លែងក្នុងពិធីបើកវគ្គបណ្តុះបណ្តាលនេះលោក កុល ផាន់ណា បានលើកឡើងថា នេះជាលើកទីមួយសម្រាប់មន្ទីរព័ត៌មានខេត្តរតនគិរី ដែលបានធ្វើការចែករំលែកបទពិសោធន៍ចំណេះដឹង ពីអ្នកចេះច្រើន បង្រៀនចេះតិចហើយអ្នកចេះតិចបង្រៀនអ្នកមិនចេះសោះ លើផ្នែកសរសេរព័ត៌មាននិង ផ្នែកថតរូបភាពសម្រាប់មន្ត្រីក្រោមឱវាទរបស់ខ្លួន។ លោកបន្តថា លោកនឹងរៀបចំអោយមាន ការចែករំលែកនេះរៀងរាល់១ខែ រឺ២ខែម្តងពីព្រោះថាការចែករំលែកបទពិសោធនិងចំណេះដឹងនេះពិតជាមានសារ:សំខាន់ខ្លាំងណាស់សម្រាប់មន្ត្រីនៃមន្ទីរព័ត៌មានខេត្ត។ ហើយលោក សង្ឃឹមថា ចំណេះដឹងជាមូលដ្ឋានពីជំនាញសរសេរអត្ថបទនិងប្រើប្រាស់ម៉ាស៊ីនថតរូប ដែលមន្រ្តីមន្ទីរព័ត៌មានខេត្តរតនគិរី បានចែករំលែកគ្នានាពេលនេះ នឹងគាំទ្របន្ថែមដល់ការផលិតព័ត៌មានអោយកាន់តែមានគុណភាពខ្ពស់ ស្របតាមការរីកចម្រើនសង្គមក្នុងបរិបទឌីជីថល៕

ខេត្តមណ្ឌលគិរី៖ នៅព្រឹកថ្ងៃទី០៤ ខែកុម្ភៈ ឆ្នាំ២០២៥ គណៈកម្មការទី៨ ព្រឹទ្ធសភា ដឹកនាំដោយលោកជំទាវ មាន សំអាន បានអញ្ជើញជួបសំណេះសំណាល ជាមួយថ្នាក់ដឹកនាំខេត្តមណ្ឌលគិរី ដោយមានការចូលរួមពីសំណាក់ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត លោកស្រី វិន ស៊ីធួន អភិបាលខេត្តស្តីទី និងមន្ត្រីជំនាញពាក់ព័ន្ធជាច្រើនរូប ដែលប្រព្រឹត្តទៅនៅសាលប្រជុំសាលាខេត្តមណ្ឌលគិរី។ លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា មានប្រសាសន៍ថា ដើម្បីឈ្វេងយល់ និងប្រមូលព័ត៌មានអំពីការផ្សព្វផ្សាយ និងការអនុវត្តច្បាប់ពាក់ព័ន្ធ និងប្រមូលព័ត៌មានអំពីវឌ្ឍនភាព បញ្ហាប្រឈម និងសំណូមពរ ក្នុងការអនុវត្តច្បាប់ គោលនយោបាយ និងការអនុវត្តជាក់ស្ដែងរបស់រដ្ឋបាលថ្នាក់ក្រោមជាតិ និងមូលដ្ឋាន ព្រមទាំងលទ្ធផលនៃកិច្ចប្រតិបត្តិការ ការគាំទ្រ និងទិន្នន័យពាក់ព័ន្ធនឹងវិស័យជំនាញជាសមត្ថកិច្ចរបស់គណៈកម្មការទី៨ព្រឹទ្ធសភា។ លោកជំទាវ ក៏បានស្នើឱ្យអាជ្ញាធរខេត្តមណ្ឌលគិរី រួមនឹងមន្ទីរពាក់ព័ន្ធទាំងអស់ លើកឡើងនូវបញ្ហាប្រឈម ទុក្ខកង្វល់ តម្រូវការ និងសំណូមពរនានារបស់មូលដ្ឋាន ដើម្បីឱ្យគណៈកម្មការទី៨ព្រឹទ្ធសភា រិះរកមធ្យោបាយដោះស្រាយ និងធ្វើជារបាយការជូនគណៈកម្មាធិការអចិន្ត្រៃយ៍ និងអង្គប្រជុំព្រឹទ្ធសភា ដើម្បីរកវិធីសាស្ត្រ និងស្វែងរកដំណោះស្រាយជូន។ លោកស្រី វិន ស៊ីធួន […]

ខេត្តរតនគិរី ៖ ថ្លែងនៅក្នុងពីធីបើក្នុងសិក្ខាសាលាថ្នាក់ខេត្ត ស្តីពីបរិយាបន្នពិការភាពក្នុងកម្មវិធីជាតិជំនួយសង្គមក្នុងកញ្ចប់គ្រួសារនៅសាលប្រជុំអគារ”D”សាលាខេត្តរតនគិរីព្រឹកថ្ងៃទី៤ ខែកុម្ភៈ ឆ្នាំ២០២៥នេះ ឯកឧត្តម សន សុផល អគ្គនាយក នៃអគ្គនាយកដ្ឋានស្តារសម្បទា នៃក្រសួងសង្គមកិច្ចអតីតយុទ្ធជន និងយុវនីតិសប្បទា បានលើកឡើងថា រាជរដ្ឋាភិបាលកម្ពុជា នីតិកាលទី៧ បានកំណត់យ៉ាងច្បាស់នូវគោលនយោបាយ​អភិវឌ្ឍ​ប្រព័ន្ធគាំពារសង្គម ដែលធានាបាននូវប្រសិទ្ធភាព និងបរិយាបន្នសម្រាប់ប្រជាជនកម្ពុជាទាំងមូល ដើម្បីលើកកម្ពស់ការកសាង និងអភិវឌ្ឍមូលធនមនុស្ស សុខុមាល​ភាព​​​របស់ប្រជាពលរដ្ឋដែលងាយរងគ្រោះ និងងាយរងហានិភ័យ ជាពិ​សេ​ស ចូលរួមចំណែកកាត់បន្ថយ​ភាពក្រីក្រ និងអភិវឌ្ឍ​សេដ្ឋកិច្ចប្រកបដោយចីរភាព​ ស្របតាមចក្ខុវិស័យរបស់រាជរដ្ឋាភិបាល​ឈានទៅសម្រេចបាន ជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់​នៅឆ្នាំ២០៥០។ ឯឧត្តម បានបន្តថា ក្រសួងសង្គមកិច្ច អតីតយុទ្ធជន និងយុវនីតិសម្បទា បានផ្តល់អាទិភាពការងារពិការភាពក្នុងកម្មវិធីការ​ងា​ររបស់ក្រសួង ដោយបានកសាងគោលនយោបាយ និងលិខិតបទដ្ឋានគតិយុត្តជាបន្តបន្ទាប់ សំដៅពង្រឹងពង្រីកការគោរពសិទ្ធិជាមូលដ្ឋានរបស់ជនមានពិការភាព អតីតយុទ្ធជន អតីតមន្រ្តីរាជការមានពិការភាព បានទទួ​ល​របបឧបត្ថម្ភពីរដ្ឋ ជនមានពិការភាពមានបណ្ណសមធម៌ ឬនៅក្នុងគ្រួសារដែលមានបណ្ណសមធម៌ នឹងទទួលបានប្រាក់ ឧបត្ថម្ភប្រចាំខែពីរដ្ឋបន្ទាប់ពីបានធ្វើបច្ចុប្បន្នភាពទិន្នន័យជាមួយកម្មវិធីអត្តសញ្ញាណកម្មគ្រួសារក្រីក្រនៃក្រសួងផែនការ និងបានចុះឈ្មោះជាមួយកម្មវិធីជាតិជំនួយសង្គមក្នុងកញ្ចប់គ្រួសារ ការបណ្តុះបណ្តាលវិជ្ជាជីវៈដោយឥតគិតថ្លៃ និងទទួលបានប្រាក់ឧត្ថម្ភក្នុងអំឡុងពេលសិក្សានេះផងដែរ។ ដោឡែក ឯកឧត្តម ខ័ណ្ឌ ចំណាន អភិបាលរងខេត្តតំណាង ឯកឧត្តម ញ៉ែម […]