ព័ត៌មានសន្តិសុខសង្គម

ខេត្តក្រចេះ ៖ ឯកឧត្តម វ៉ា ថន អភិបាល នៃគណៈអភិបាលខេត្ត និងជាប្រធានសាខាកាកបាទក្រហមកម្ពុជាខេត្តក្រចេះ បាននាំអំណោយរបស់សាខាកាកបាទក្រហមខេត្តមកចែកជូនពុក ម៉ែ បងប្អូន ជួបការលំបាក ទីទាល់ និងរងគ្រោះដោយសារជំនន់ទឹកភ្លៀង និង ទឹកទន្លេមេគង្គ មានចំនួន ៤២ គ្រួសារ ពេលថ្មីៗ នៅក្នុងក្រុងក្រចេះ នាព្រឹក ថ្ងៃសៅរ៍ ៤រោច ខែភទ្របទ ឆ្នាំ រោង ឆស័ក ព.ស ២៥៦៨ ត្រូវនឹងថ្ងៃទី ២១ ខែកញ្ញា ឆ្នាំ ២០២៤នេះ ក្នុងនោះ មួយគ្រួសារទទួលបាន អង្ករ ២៥គីឡូក្រាម ,ត្រីខ ១០កំប៉ុង, មុី១ កេះ , ម៉ុងមួយ និង ថវិកា ចំនួន ៥០.០០០រៀល ផងដែរ ។ ឆ្លៀតក្នុងឱកាសនេះ ឯកឧត្តម វ៉ា ថន […]

VID_20240920_073502_688.mp4 ព្រឹត្តិការណ៍ Gumball 3000 Rally In Cambodia រយៈពេល ០២ថ្ងៃ បានបញ្ចប់ទៅពោរពេញដោយស្នាមញញឹម និងបរិយាកាសកក់ក្តៅ ព្រមជាមួយផលចំណេញយ៉ាងច្រើនមហិមាដល់កម្ពុជា ទាំងវិស័យទេសចរណ៍ ទាំងចរន្តសេដ្ឋកិច្ចជាតិ ទាំងកិច្ចការសប្បុរស ជាពិសេសបង្ហាញទៅពិភពលោកឲ្យឃើញច្បាស់ពី សន្តិភាព សេរីភាព វប្បធម៌ បេតិកភណ្ឌ និងទឹកដីអច្ឆរិយ នៃកម្ពុជា។ ទន្ទឹមជាមួយគ្នានេះ យើងក៏មិនអាចមើលរំលងនូវការចូលរួមរបស់អាជ្ញាធរមានសមត្ថកិច្ច និងកងកម្លាំងប្រដាប់អាវុធចម្រុះ ក្នុងការរៀបចំ និងការពារសន្តិសុខ សុវត្ថិភាព រក្សាសណ្ដាប់ធ្នាប់ ក្នុងកម្មវិធីទាំងមូលផងដែរ។ សូមទស្សនារូបភាពខ្លះៗរបស់ អាវុធហត្ថរាជធានីភ្នំពេញ និងអាវុធហត្ថខេត្តសៀមរាប ដែលបានចូលរួមបំពេញបេសកកម្មក្នុងកម្មវិធី Gumball 3000 Rally In Cambodia ប្រកបដោយភាពម៉ឹងម៉ាត់ ស្វាហាប់ និងមានវិន័យសណ្តាប់ធ្នាប់ ផ្តល់នូវភាពកក់ក្តៅ ទំនុកចិត្ត និងសុវត្ថិភាព ជូនដល់ប្រជាពលរដ្ឋ ភ្ញៀវជាតិ-អន្តរជាតិ គ្រប់ៗគ្នា៕

ភ្នំពេញ៖ ក្រសួងសុខាភិបាល ចេញសេចក្ដីប្រកាសព័ត៌មានស្ដីពី «ការការពារសុខភាព ត្រៀមបង្ការ និងឆ្លើយតបនឹងគ្រោះទឹកជំនន់» ក្រោយទទួលបានសចក្ដីជូនដំណឹងស្ដីពី ស្ថានភាពអាកាសធាតុរបស់ក្រសួងធនធានទឹក និងឧតុនិយម បានបញ្ជាក់ពីស្ថានភាពទឹកទន្លេមេគង្គនៅព្រះរាជាណាចក្រកម្ពុជា នឹងហក់ឡើងជាបន្តបន្ទាប់ ហើយហូរចូលតាមព្រែក និងតំបន់ទំនាបនានា ដែលស្ថិតនៅអមសងខាងទន្លេមេគង្គ ក្នុងអំឡុងសប្ដាហ៍មុន អាចនឹងបង្ករឱ្យមានទឹកជំនន់ ដែលបណ្ដាលឱ្យមានផលប៉ះពាល់ដល់ហេដ្ឋារចនាសម្ព័ន្ធ ទ្រព្យសម្បត្តិ សុខភាព និងអាយុជីវិតប្រជាជន។ ដូច្នេះដើម្បីកាត់បន្ថយឱ្យបានជាអតិបរមានូវផលប៉ះពាល់ពីគ្រោះធម្មជាតិ ក្រសួងសុខាភិបាល សូមអំពាវនាវឱ្យប្រជាពលរដ្ឋទាំងអស់ ចូលរួមអនុវត្តតាមការណែនាំ និងប្រកាន់ខ្ជាប់នូវវិធានការដូចខាងក្រោម៖

ភ្នំពេញ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ នៃក្រសួងមហាផ្ទៃ បានអំពាវនាវប្រជាពលរដ្ឋឱ្យមានការប្រុងប្រយ័ត្នចំពោះល្បិចឆបោកប្រាក់ តាមរយៈការបញ្ជាទូរស័ព្ទពីចម្ងាយ (Wireless Paring) ដែលជាល្បិចឆបោកថ្មីមួយ។ យោងតាមការជូនព័ត៌មានបានឱ្យដឹងថា នៅថ្មីៗនេះនាយកដ្ឋានការពារសុវត្ថិភាព​បច្ចេកវិទ្យា​ឌីជី​ថល​នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ​បានទទួលពាក្យបណ្តឹង​និងសេចក្តី​រាយ​ការណ៍ជាច្រើនករណីពាក់ព័ន្ធល្បិចឆបោកថ្មី​ដោយប្រើប្រាស់វិធីសាស្ត្រវិស្វកម្មបណ្តាញ​សង្គម​ (Social Engineering) លើបច្ចេកទេសបញ្ជាទូរស័ព្ទពីចម្ងាយ​ (Wireless Pairing) ហើយលួចផ្ទេរប្រាក់ពីគណនីធនាគារចល័ត​ (Mobile Banking) របស់ជនរងគ្រោះ។ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានបង្ហាញនូវវិធីសាស្ត្រជ្រៀតចូល​ និងឆបោកដូចខាងក្រោម៖ ១៖​ឧក្រិដ្ឋជនប្រមែប្រមូលព័ត៌មាន​ និងសាវតាជនរងគ្រោះ​ (អាសយដ្ឋាន​ និងលេខទូរស័ព្ទ) ២៖​ឧក្រិដ្ឋជនលួចភ្ជាប់បណ្តាញ​ (WiFi) របស់ជនរងគ្រោះ ៣៖​ទូរស័ព្ទទៅកាន់លេខជនរងគ្រោះ​ ដោយបន្លំខ្លួនជាអ្នកផ្តល់សេវាចាំបាច់ផ្សេងៗ​(តួយ៉ាង​សេវា​ផ្គត់ផ្គង់ទឹក​ ឬភ្លើងអគ្គិសនី)​ ដោយណែនាំជនរងគ្រោះដំឡើងកម្មវិធី​និងរបៀបភ្ជាប់មុខងារ​បង់ថ្លៃ​សេវាតាមអ៊ីនធឺណិត​ ៤៖​អំឡុងពេលណែនាំ​ ឧក្រិដ្ឋជនបានឱ្យជនរងគ្រោះបើកដំណើរការ​ «Developer Mode» បើកជម្រើស «Wireless Debugging» និង​ភ្ជាប់ទូរស័ព្ទជនរងគ្រោះទៅកាន់​ម៉ាស៊ីន​កុំព្យូទ័រ​ឧក្រិដ្ឋជន​«Paring Device» ៥៖​ឧក្រិដ្ឋជនប្រើប្រាស់កម្មវិធីជំនួយធ្វើការបញ្ជាកម្មវិធីធនាគារចល័ត​ (Mobile Banking) របស់ជនរងគ្រោះ​ និងលួចផ្ទេរប្រាក់ចេញទៅគណនីធនាគារផ្សេងទៀត។ ដើម្បីចៀសវាងការរងគ្រោះដូចបានរៀបរាប់ខាងលើនេះ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានណែនាំប្រជាពលរដ្ឋប្រុងប្រយ័ត្នចំពោះបុគ្គល​ដែលបានទាក់ទងពីការ​ផ្តល់សេវាតាមស្ថាប័នរដ្ឋ ឬឯកជននានា។ ទន្ទឹមនឹងនោះ ត្រូវអនុវត្តន៍វិធីសាស្រ្តមួយចំនួនដូចខាង​ក្រោម៖ ១៖ ផ្ទៀងផ្ទាត់អត្តសញ្ញាណអ្នកផ្គត់ផ្គង់សេវាឱ្យបានច្បាស់លាស់មុនសម្រចធ្វើ​តាមការណែនាំ​ផ្សេងៗ ២៖ ដាក់ប្រព័ន្ធការពារគណនី​ (រួមមាន៖​ 2FA​ លេខកូដរាល់ប្រតិបត្តិការ​កំណត់ចំនួនទឹកប្រាក់​នៃប្រតិបត្តិការ។ល។)​ ៣៖​ពិនិត្យសមតុល្យ​ និង​កំណត់ត្រាប្រើប្រាស់​គណនីធនាគារជាប្រចាំ ករណីមានការសង្ស័យ​ណាមួយ​ […]