Author: samne

ខេត្តមណ្ឌលគិរី៖ រដ្ឋបាលស្រុកអូររាំង សហការជាមួយអង្គការសេចក្តីសង្ឃឹមពិភពលោកអន្តរជាតិ ប្រចាំនៅខេត្តមណ្ឌលគិរី (WHI) បានរៀបចំការប្រកួតកីឡាសិស្សបឋម និងមធ្យមសិក្សាជម្រើសជើងឯកថ្នាក់ស្រុកប្រចាំឆ្នាំ២០២៤-២០២៥ ក្រោមវត្តមានលោក អ៊ិន កាំ អភិបាលរងស្រុក តំណាងលោក សៀក មុន្នី អភិបាលស្រុកអូររាំង លោក ប្រធានក្រុមប្រឹក្សាស្រុក តំណាងមន្ទីរអប់រំយុវជន និងកីឡាខេត្ត រួមទាំងមន្រ្តីរាជការ អង្គការដៃគូរ និងប្អូនៗ ក្មួយៗកីឡាករ កីឡាការនឹ ប្រជាពលរដ្ឋជាច្រើនរូប ដែលប្រព្រឹត្តទៅនៅបរិវេណវិទ្យាល័យអូររាំង និងសាលាបឋមសិក្សាពូហ្យាម ស្ថិតនៅឃុំសែនមនោរម្យ ស្រុកអូររាំង នាថ្ងៃទី០៦ ខែមីនា ឆ្នាំ២០២៥។ លោក អ៊ិន កាំ អភិបាលរងស្រុកអូររាំង បានថ្លែងនូវការកោតសរសើរយ៉ាងជ្រាលជ្រៅបំផុតចំពោះលោកគ្រូ អ្នកគ្រូ និងក្មួយៗ កីឡាករ កីឡាការនី ដែលបានខិតខំយកចិត្ត ទុកដាក់ក្នុងការហ្វឹកហាត់ទាំងកម្លាំងកាយចិត្ត ដើម្បីត្រៀមការប្រកួតកីឡាជម្រើសជើងឯកថ្នាក់ស្រុកនាពេលនេះ សូមបញ្ជាក់ដែរថា ការប្រកួតនៅពេលនេះ សូមអនុវត្តទៅតាមលក្ខណៈ បច្ចេកទេស ប្រកបដោយក្រមសីលធម៌គ្មានអំពើហឹង្សា គោរពគោលការណ៍ណែនាំរបស់គណៈ កម្មការរៀបចំការប្រកួត។ លោក បញ្ជាក់ថា ក្នុងនាមថ្នាក់ដឹកនាំនៃរដ្ឋបាលស្រុក ពិតជាមានមោទភាពណាស់ […]

ខេត្តរតនគិរី ៖ មហាសន្និបាទនេះ ប្រារព្ធធ្វើឡើងនៅសាលប្រជុំអគារD ព្រឹកថ្ងៃទី៤ ខែកុម្ភៈ ឆ្នាំ២០២៥ក្រោមអធិបតីភាព ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្តរតនគិរី  និង ឯកឧត្តម សយ កុសល ប្រធានសម្ព័ន្ធភាពជាិក្រុមប្រឹក្សាថ្នាក់មូលដ្ឋាន។ លោក ទុន ពៅ ប្រធានសមាគមក្រុមប្រឹក្សាក្រុង ស្រុក ឃុំ សង្កាត់ ខេត្តរតនគិរី បានលើកឡើងថា មហាសន្និបាត ត្រូវរៀបចំឡើងរៀងរាល់ប្រាំឆ្នាំម្តងនៅខេត្តរតនគិរីក្នុងគោល បំណងបូកសរុប និងឆ្លុះបញ្ចាំងលទ្ធផលការងារសម្រេចបានរយៈពេល៥ឆ្នាំពីឆ្នាំ២០២០ ដល់ឆ្នាំ២០២៤និងផ្តល់ឱកាសដល់ថ្នាក់ដឹកនាំ និងសមាជិកបានពិនិត្យ ឆ្លុះបញ្ចាំងរៀនសូត្រពីគ្នាទៅវិញទៅមក និងកំណត់បាននូវបញ្ហាប្រឈម និងដំណោះស្រាយនានាបន្តទៅមុខព្រមកែសម្រួល និងអនុម័តលក្ខន្តិកៈ និងបទបញ្ជាផ្ទៃក្នុងរបស់សមាគម និងបោះឆ្នោតជ្រើសរើស ប្រធាន-អនុប្រធានសមាគម សមាជិកក្រុមប្រឹក្សាសមាគម និងសមាជិកគណៈកម្មាធិការ ប្រតិបត្តិសមាគម ព្រមទាំងរៀបចំកិច្ចប្រជុំក្រុមប្រឹក្សាសមាគមលើកទី១សម្រាប់អាណត្តិទី៤ របស់សមាគម។ ថ្លែងនៅក្នុងមហាសន្និបាត អាណត្តិទី៤របស់សមាគមក្រុមប្រឹក្សាក្រុង ស្រុក ឃុំ សង្កាត់ ខេត្តរតនគិរី នាឱកាសនេះ ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្ត បានកោតសរសើរ […]

សមាគមនារីកម្ពុជា ដើម្បីសន្តិភាព និងអភិវឌ្ឍន៍ ខេត្តរតនគិរី ចុះជួបសំណេះសំណាល សួរសុខទុក្ខ និងចែកអំណោយជា គ្រឿងឧបភោគ បរិភោគ ថវិកា និងសម្ភារមួយចំនួនជូនស្រ្ដីជាទណ្ឌិត នៅក្នុងពន្ធនាគារខេត្តរតនគិរី ខេត្តរតនគិរី ៖ ដើម្បីចូលរួមអបអរសាទរខួបលើកទី១៤៤ ទិវាអន្តរជាតិនារី៨មីនាឆ្នាំ២០២៥ ក្រោមប្រធានបទ «សិទ្ធិសមភាព និងភាពអង់អាចចំពោះស្រ្តី និងក្មេងស្រីគ្រប់រូប» នៅព្រឹកថ្ងៃទី០២ខែមីនាឆ្នាំ២០២៥សមាគមនារីកម្ពុជា ដើម្បីសន្តិភាព និងអភិវឌ្ឍន៍ ខេត្តរតនគិរី ដឹកនាំដោយ លោកជំទាវ ឃឹម សុខឃាង ញ៉ែម សំអឿន អនុប្រធានកិត្តិយស សមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្ត និងលោកជំទាវ ញាន ទិត្យចិន្ដា អភិបាលរងខេត្ត និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ ខេត្តរតនគិរី បានអញ្ជើញចុះជួបសំណេះសំណាល សួរសុខទុក្ខ និងចែកអំណោយជា គ្រឿងឧបភោគ បរិភោគ ថវិកា និងសម្ភារមួយចំនួនជូនស្រ្ដីជាទណ្ឌិត នៅក្នុងពន្ធនាគារខេត្តរតនគិរី ក្នុងឱកាសអបអរសាទរខួបលើកទី១១៤ ទិវាអន្ដរជាតិនារី ៨មីនា ឆ្នាំ២០២៥នៅពន្ធនាគារខេត្ត ស្ថិតក្នុងសង្កាត់ឡាបានសៀក ក្រុងបានលុង។ […]

ខេត្តរតនគិរី ៖ នៅក្នុងជំនួបសំេណះសំណាលជាមួយ បងប្អូនជាស្រ្តីក្នុងរចនាសម្ព័ន្ធ សាលាខេត្ត ក្រុង ស្រុកទាំង៩ ប្រមាណជិត៥០នាក់ដើម្បី អបអរសាទរ ទិវាអន្តរជាតិនារី ៨មីនា ឆ្នាំ២០២៥ ខួបលើក ទី១១៤ ក្រោមប្រធានបទ “សិទ្ធិសមភាព និងភាពអង់អាច ចំពោះស្ត្រីនិងក្មេងស្រីគ្រប់រូប” ដែលបានប្រារព្ធធ្វើឡើងនៅសាលប្រជុំអគារDសាលាខេត្ត រសៀលថ្ងៃទី១ ខែមីនា ឆ្នាំ២០២៥នេះ ឯកឧត្តម ញ៉ែម សំអឿន អភិបាលខេត្តរតនគិរី បានលើកឡើងថា រាជរដ្ឋាភិបាលចាត់ទុកស្ត្រីជាឆ្អឹងខ្នងនៃការអភិវឌ្ឍសេដ្ឋកិច្ច និងសង្គមជាតិ ដោយទទួលស្គាល់អំពីតួនាទី សំខាន់របស់ស្ត្រីក្នុងការចូលរួមអភិវឌ្ឍន៍ប្រទេសជាតិ។ ឯកឧត្តម អភិបាលខេត្តបន្តថា រាជរដ្ឋាភិបាលកម្ពុជា សម្រេចបាននូវវឌ្ឍនភាពគួរជាទីមោទនៈ ក្នុងការលើក កម្ពស់សមភាពយេនឌ័រ និងភាពអង់អាចដល់ស្ត្រី និងក្មេងស្រី តាមរយៈការដាក់ចេញ និងអនុវត្តនូវ គោលនយោបាយ ផែនការសកម្មភាព កម្មវិធីជាតិ នៅតាមវិស័យ និងគ្រប់កម្រិត។ ហើយនាពេលថ្មីៗ នេះ ក្រសួងមហាផ្ទៃ បានដាក់ចេញនូវផែនការយុទ្ធសាស្ត្រស្តីពីការបង្កើនចំនួនស្ត្រី ក្នុងមុខតំណែង ២០២៤ ដែលមានយុទ្ធសាស្ត្រសំខាន់ៗចំនួន ៤ និងសកម្មភាពអាទិភាពចំនួន […]

ខេត្តមណ្ឌលគិរី ៖ មនុស្សប្រុសស្រី ៩នាក់សុទ្ធតែជាជនជាតិបរទេសកម្លាំងជំនាញស្នងការនគរបាលខេត្តមណ្ឌលគិរីបានបើកប្រតិបត្តិការចុះបង្ក្រាបពាក់ព័ន្ធមុខសញ្ញាជួញដូរនិងរក្សាទុកថ្នាំញៀនមួយចំនួននឹងសម្ភារៈជាច្រើន នៅថ្ងៃទី២៧ខែកុម្ភៈឆ្នាំ២០២៥។ លោកវរសេនីយ៍ឯក កាន់ ពេញ អធិការនគរបាលក្រុងសែនមនោរម្យ បានឲ្យដឹងថា ដោយមានការចង្អុលបង្ហាញពីឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី នឹងដោយមានការសម្របសម្រួលពីលោក ស៊ាវ ងីឈាន់ ព្រះរាជអាជ្ញារងអមសាលាដំបូងខេត្តមណ្ឌលគិរី។ កម្លាំងស្នងការនិងកម្លាំងអធិការក្រុងបានប្រតិបត្តិការចុះឆែកឆេរ រីសតមួយកន្លែងឈ្មោះ ក្រវ៉ានអុីន ដែលស្ថិតក្នុងភូមិអូរស្ពានសង្កាត់ស្ពានមានជ័យក្រុងសែនមនោរម្យខេត្តមណ្ឌលគិរី កម្លាំងជំនាញបានធ្វើការឃាត់ខ្លួនជនជាតិវៀតណាម៩នាក់ក្នុងនោះស្រី២នាក់ នឹងរកឃើញគ្រឿងញៀននិងសម្ភារៈប្រើប្រាស់ផ្សេងៗមួយចំនួនទៀតផងដែរ លោកបានបន្តថា ក្នុងប្រតិបត្តិការចុះបង្ក្រាបនេះ សមត្ថកិច្ចជំនាញបានដកហូតសម្ភារៈរួមមាន ម្សៅក្រាម ពណ៌ស សង្ស័យជាសារធាតុញៀន (កេតាមីន) ចំនួន០៤កញ្ចប់ធំល្មម ។ សារធាតុញៀន (ជាគ្រាប់ – បំបែករួច) ពណ៌លឿង ប្រភេទអ៉ិចស្តាស៉ី ចំនួន០៤ចំនិត ។ រថយន្តចំនួន០៣គ្រឿង-ម៉ាក សឺដេស២គ្រឿង ម៉ាកហ្វត ពណ៌ស ១គ្រឿង-ទូរស័ព្ទដៃម៉ាក Iphone ចំនួន៧គ្រឿង ម៉ូតូ ម៉ាក VISION ពណ៌ខ្មៅ ១គ្រឿង។ បាស ម៉ាក […]

ខេត្តរតនគិរី ៖ ទិវាជាប្រវត្តិសាស្រ្តនេះ ត្រូវបានប្រារព្ធធ្វើឡើង នៅសាលមហោស្រពរតនៈ ព្រឹកថ្ងៃទី១ ខែមីនា ឆ្នាំ២០២៥ ក្រោមអធិបតីភាពឯកឧត្តម ញ៉ែម សំអឿន អភិបាលខេត្ត និងលោកជំទាវ។ ថ្លែងក្នុងឱកាសនេះ ឯកឧត្តម ញ៉ែម សំអឿន អភិបាល នៃគណៈអភិបាលខេត្តរតនគិរី បានសម្តែងនូវការសប្បាយរីករាយ និងបាន ថ្លែងអំណរគុណចំពោះកិច្ចខិតខំរៀបចំរបស់មន្ទីរកិច្ចការនារីខេត្តរតនគិរី និងគាំទ្រនូវប្រធានបទ«សិទ្ធិ សមភាព និងភាពអង់អាចចំពោះស្រ្តី និងក្មេងស្រីគ្រប់រូប» ដែលក្រសួងកិ ច្ចការនារីបានលើកឡើងក្នុងឆ្នាំនេះ ស្របតាមការគិតគូរបស់អង្គការសហប្រជាជាតិ គឺចំពេល ដែលយើងគ្រប់គ្នាកំពុងខិតខំប្រឹងប្រែងបន្តលើកកម្ពស់ និងជំរុញឱ្យមានការចូលរួមពីប្រជាជនទាំងស្ត្រី និងបុរស ដើម្បីក្លាយជាពលរដ្ឋ ឌីជីថល ធានាបាននូវមូលធនមនុស្ស ក្នុងការអភិវឌ្ឍសេដ្ឋកិច្ច សង្គមកម្ពុជាទាំងមូល ។ ឯកឧត្តម អភិបាលខេត្តបន្តថា សម្តេ ច មហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានបន្តកំណត់ការលើកកម្ពស់សមភាពយេនឌ័រ និងការបង្កើនភាពអង់អាចរបស់ស្ត្រី និងក្មេងស្រីនៅគ្រប់វិស័យអាទិភាព នៅក្នុងរបៀបវារៈគោលនយោបាយ និងយុទ្ធសាស្ត្របញ្ចកោណ ដំណាក់កាលទី១ តាមរយៈការពង្រឹងភាពជាពលរដ្ឋក្នុងសង្គមដែលមានអារ្យ […]

  ខេត្តមណ្ឌលគិរី ៖ ពលរដ្ឋបានឲ្យដឹងថា ក្រុមមន្ត្រីដែលនាំមុខដោយមន្ត្រីពីខណ្ឌរដ្ឋបាលព្រៃឈើខេត្តមណ្ឌលគិរី កាលពីរសៀលថ្ងៃទី២២ កុម្ភៈ ឆ្នាំ ២០២៥ បានចុះមកឆែកឆេរលំនៅដ្ឋាន និងរឹបអូសយកឈើរបស់គាត់ដែលត្រៀមទុកធ្វើផ្ទះដោយពុំមានដីកាពីតុលាការឡើយ។ អ្នកស្រី ផន ចន្រ្ទា ដែលមានលំនៅដ្ឋានក្នុងភូមិ ពូញ៉ាវ ឃុំមេម៉ង់ ស្រុកកែវសីមា ខេត្តមណ្ឌលគិរី បានរៀបរាប់ប្រាប់អ្នកកាសែតទាំងខឹងសម្បារកាលពីថ្ងៃទី២៥ កុម្ភៈ ថា ដោយគាត់ជាប់ថែរក្សាជំងឺប្ដី នៅមន្ទីរពេទ្យ អ្នកនៅជាមួយគាត់បានប្រាប់ថា មន្ត្រីព្រៃឈើបានសម្រុកចូលផ្ទះរបស់គាត់ដោយគ្មានដីកា ហើយបានបញ្ជា ឲ្យអ្នកនៅជាមួយគាត់វាយកម្ទេចសោរ និងបានប្រមូលយកឈើចាស់ៗ ដែលគាត់ទុកសម្រាប់ធ្វើផ្ទះប្រមាណ ១ ម៉ែត្រគូប រួមទាំងសម្ភារៈជាងមួយចំនួនដូចជា ម៉ូទ័រកាត់ឈើចំនួន២គ្រឿង ម៉ូទ័រជ្រី២គ្រឿង ម៉ូទ័រឈូស ១គ្រឿង និងម៉ូទ័រខាត់ចំនួន១គ្រឿង ដែលវាជាទង្វើដ៏អាក្រក់បំផុត ។ តែអ្នកស្រីថា នឹងមិនប្ដឹងប្ដល់យកឈ្នះចាញ់អ្វីទេ ដោយគ្រាន់តែសុំឲ្យមន្ត្រីផ្ដល់ឈើសម្រាប់ធ្វើផ្ទះ និងសម្ភារៈជាងមកវិញប៉ុណ្ណោះ ។ ទាក់ទងបញ្ហានេះ អ្នកភូមិម្នាក់ដែលឃើញហេតុការណ៍បាននិយាយថា មន្ត្រីព្រៃឈើដែលចុះមកឆែកឆេរ និងរឹបអូបឈើ នាគ្រានោះហាក់ដូចជាធ្វើឡើងក្នុងគំនុំអ្វីម្យ៉ាង គាត់ថា នៅភូមិនេះ មានសិប្បកម្មឈើធំៗមួយចំនួនមិនត្រូវបានគេ ប៉ះពាល់ឡើយ ។ […]

ខេត្តរតនគិរី ៖ ដោយមានការយកចិត្តទុកដាក់ពីសំណាក់ ឯកឧត្តម ញ៉ែម សំអឿន ប្រធានគណៈកម្មាធិការសាខាកាកបាទក្រហមកម្ពុជា ខេត្តរតនគិរី នារសៀលថ្ងៃទី ២៥ ខែ កុម្ភៈ ឆ្នាំ២០២៥ នេះ ឯកឧត្តម បានចាត់តាំងឲ្យក្រុមការងារអនុសាខាកាកបាទក្រហមកម្ពុជា ស្រុកអណ្តូងមាស ដឹកនាំដោយ លោក មាស សារ៉េត ប្រធានគណៈកម្មាធិការអនុសាខាស្រុក និងមានការចូលរួមពី លោក លោកស្រី សមាជិក សមាជិកាគណៈកម្មាធិការអនុសាខា និងក្រុមការងារកាកបាទក្រហម ឃុំញ៉ាង ចុះសួរសុខទុក្ខ និងនាំយកអំណោយមនុស្សធម៌ ចុះសួរសុខទុក្ខដល់គ្រួសាប្រជាពលរដ្ឋដែលរងគ្រោះដោយអគ្គិភ័យ ចំនួន ២ គ្រួសារ កាលពីថ្ងៃទី ២៣ ខែកុម្ភៈ ឆ្នាំ២០២៥ វេលាម៉ោង៥.១០នាទីព្រឹក នៅភូមិតាំសេរ ឃុំញ៉ាង ស្រុកអណ្តូងមាស ខេត្តរតនគិរី។ ឆ្លៀតក្នុងឱកាសនោះដែរ លោក មាស សារ៉េត ប្រធានគណៈកម្មាធិការអនុសាខា បានពាំនាំនូវប្រសាសន៍ផ្ដាំផ្ញើសាកសួរសុខទុក្ខ និងការចូលរួមរំលែកទុក្ខ ពីសំណាក់ ឯកឧត្តម ញ៉ែម សំអឿន […]

ខេតរតនគិរី ៖ នៅថ្ងៃទី២៤ ខែកម្ភុៈ ឆ្នាំ២០២៥ លោកជំទាវ ឯក សុគន្ឋវារី អនុរដ្ឋលេខាធិការ ក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ ឯកឧត្តម ឈឹម សៅគី រដ្ឋលេខាធិ ការប្រចាំការក្រសួងអភិវឌ្ឍន៍ជនបទ និងក្រុមការងារអន្តរក្រសួងនិងក្រុមការងារត្រួតពិនិត្យវាយតំលៃបច្ចេកទេសរបស់នាយកដ្ឋានផ្លូវជនបទ និងលោក អៀម អឿន ប្រធានមន្ទីរអភិវឌ្ឍន៍ជនបទខេត្តរតនគិរីបាន ចុះត្រួតពិនិត្យនិងវាយតំលៃ លើការងារស្ថាបនានិងជួសជុលផ្លូវចំនួន០១ គម្រោងនៅស្រុកលំផាត់ ។ លោក អៀម អឿន ប្រធានមន្ទីរអភិវឌ្ឍន៍ជនបទខេត្តរតនគិរីបានអោយដឹងថា ផ្លូវនេះស្ថិតក្នុងគម្រោងលេខDRR-NC-2024-No.047 មានការងារជួសជុលផ្លូវក្រាលដីល្បាយគ្រួសចំនួន ០១ខ្សែ ប្រវែង៩,០០០ម ទទឹង០៩ម កម្រាស់០,១២ម សាងសង់ទំនប់បង្ហៀរ០១កន្លែង ប្រវែង៦០ម ទទឹង០៧ម និងផ្លាកឈ្មោះផ្លូវចំនួន០២កន្លែង ស្ថិតនៅភូមិព្រួក និងភូមិបាតាង ឃុំបាតាង ស្រុកលំផាត់  អនុវត្តដោយនាយកដ្ឋានវិស្វកម្ម ក្រសួងការពារជាតិ ប្រើប្រាស់ថវិកាជំពូក ២១ ។ ជាលទ្ឋផលក្រុមការងារអន្តរក្រសួងបានយល់ព្រមទទួលយក១០០%។ លោកថា ផ្លូវលំជនបទខាងលើ បច្ចុប្បន្នបានជួយសម្រួលដល់ប្រជាពលរដ្ឋក្នុងមូលដ្ឋាននេះឱ្យមានភាពងាយស្រួល ក្នុងការធ្វើចរាចរទៅមក ការដឹកជញ្ជូនកសិផល និងដំណាំបន្ទាប់បន្សំរបស់ប្រជាពលរដ្ឋមកកាន់ទីផ្សារ […]

ខេត្តរតនគិរី ៖ វេទិកានេះរៀបចំធ្វើឡើងនៅ សាលមហោស្រព រតនៈ មន្ទីរវប្បធម៌និងវិចិត្រសិល្បៈខេត្ត រសៀលថ្ងៃទី២៣ ខែកុម្ភៈ ឆ្នាំ២០២៥ ក្រោមអធិបតីភាព ឯកឧត្តម ញ៉ែម សំអឿន អភិបាលខេត្តរតនគិរី និងឯកឧត្តម អ៊ុក គង់ សមាជិកព្រឹទ្ធសភា និងជាអគ្គនាយកក្រុម ហ៊ុន K&D។ ថ្លែងនៅក្នុងវេទិកានេះ ឯកឧត្តម ញ៉ែម សំអឿន អភិបាលខេត្តរតនគិរីបានលើកឡើងថា យោងតាមធាតុចូលជាច្រើនដែលទទួលបានពីបងប្អូនកសិករនៅក្នុងខេត្ត ក៏ដូចជា ដៃគូអភិវឌ្ឍ តាមរយៈមន្ត្រីកសិកម្ម និងវេទិកានានា រដ្ឋបាលខេត្តបានកត់សម្គាល់ឃើញថា មានការរអ៊ូរទាំចេញពីក្រុមផលិត ដែលបានលើកឡើងចំពោះទីផ្សារកសិផលមានលក្ខណៈតូចចង្អៀត និងមានតម្លៃទាប និងពេលខ្លះផលិតបានហើយ មិនដឹងថាយកទៅលក់នៅឯណា? ។ កង្វល់ទាំងអស់នេះ ត្រូវបានរដ្ឋបាលខេត្តប្រមូលផ្តុំ និងរៀបចំជាផែនការយុទ្ធសាស្ត្រគ្រប់ជ្រុងជ្រោយ ដើម្បី ព្យាយាមឱ្យអស់លទ្ធភាពក្នុងការស្វែងរកដំណោះស្រាយជូនបងប្អូនកសិករ ដោយធ្វើ ការផ្សព្វផ្សាយ កៀរគរ និងទាក់ទាញវិនិយោគិន ឱ្យចូលមកបណ្តាក់ទុននៅក្នុងខេត្តជាបន្តបន្ទាប់។ ឯកឧត្តមបន្តថា តាមរយៈ វេទិកាផ្សព្វផ្សាយ និងពិគ្រោះយោបល់ ស្តីពីការចងក្រងសហគមន៍កសិកម្មទំនើប សម្រាប់ ដំណាំទុរេន […]