ព័ត៌មានសន្តិសុខសង្គម

ខេត្តមណ្ឌលគិរី ៖ ប្រជាពលរដ្ឋខ្មែរ មួយចំនួនបានយកថ្ងៃ១៤កុម្ភៈ បុណ្យទិវានៃក្ដីស្រឡាញ់ ដើម្បីរំឭកដល់អ្នកមានគុណមនុស្សដែលខ្លួនឯងស្រឡាញ់ ហើយតែងតែផ្តល់អំណោយផ្សេងៗ ដើម្បីជាការតបស្នងសងគុណផងដែរ។ ស្របពេលឱកាសនោះ លោកវេជ្ជបណ្ឌិត ទុយ ស្រស់ ប្រធានមន្ទីរពេទ្យបង្អែកខេត្តមណ្ឌលគិរី បានឱ្យដឹងថា នៅសល់ប៉ុន្មានថ្ងៃទៀតប៉ុណ្ណោះ បុណ្យទិវានៃក្ដីស្រឡាញ់ថ្ងៃ១៤កុម្ភៈនឹងឈានចូលមកដល់ ក្នុងនាមមន្ទីរពេទ្យបង្អែកខេត្ត សូមអំពាវនាវដល់សប្បុរសជន ដែលមានបំណងស្ម័គ្រចិត្តចង់ធ្វើការបរិច្ចាគឈាម អាចមកកាន់មន្ទីរពទ្យបង្អែកខេត្ត ធ្វើការពិគ្រោះយោបល់ជាមួយអ្នកគ្រូ ឬលោកគ្រូពេទ្យជំនាញបាន ហើយការស្ម័គ្រចិត្តបរិច្ចាគឈាមរបស់បងប្អូននេះ ពិតជាមានតម្លៃណាស់ សម្រាប់អ្នកជំងឺដែលកំពុងខ្វះឈាម និងកំពុងរង់ចាំការជួយសង្គ្រោះពីបងប្អូន។ លោកវេជ្ជបណ្ឌិត បន្ថែមថា អ្នកដែលអាចចូលរួមបរិច្ចាគផ្តល់ឈាមបានមានអាយុចាប់ ១៨ដល់៦០ឆ្នាំ នឹងមានសុខភាពល្អ ហើយបើមនុស្សប្រុសអាចផ្តល់ឈាមចន្លោះពី ៣ខែម្តង រីឯមនុស្សស្រីចន្លោះពី ៤ខែម្តង។ ទន្ទឹមនេះការផ្តល់ឈាម ក៏មានអត្ថប្រយោជន៍ច្រើនដែរ សម្រាប់រាងកាយមនុស្ស ដូចជាជួយឲ្យយើងដឹងពីជំងឺផ្សេងៗផងដែរ ដូចជា រលាកថ្លើមប្រភេទA.B.C  ជំងឺអេដស៍ ការកាត់បន្ថយការឡើងទម្ងន់ ជួយឲ្យដំណើរការបេះដូងល្អ កាត់បន្ថយជាតិខ្លាញ់នៅក្នុងឈាម កាត់បន្ថយភាពតានតឹង កាត់បន្ថយជាតិដែក ដែលធ្វើឲ្យប៉ះពាល់ដល់លំពែង និងថ្លើម និងជួយឲ្យមានគ្រាប់ឈាមល្អផងដែរ។ លោកវេជ្ជបណ្ឌិត បានបញ្ជាក់ថា គ្រាប់ឈាមនៅក្នុងរាងកាយរបស់មនុស្សយើងមានអាយុត្រឹមតែ ១២០ថ្ងៃប៉ុណ្ណោះ ហើយបើយើងបានបរិច្ចាគផ្តល់ឈាមចាស់ […]

ខេត្តរតនគិរី ៖ ឯកឧត្តម គួច វែងស្រ៊ុន រដ្ឋលេខាធិការទីស្តីការគណៈរដ្ឋមន្រ្តី អមដំណើរដោយឯកឧត្តម ញ៉ែម សំអឿន អភិបាលខេត្តរតនគិរី នៅព្រឹកថ្ងៃទី០៩ ខែកុម្ភៈ ឆ្នាំ២០២៥ នេះ បានអញ្ជើញចុះពិនិត្យស្ពានដែកបាឡេមួយកន្លែងជាចំណងដៃដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ជូនប្រជាពលរដ្ឋស្រុកលំផាត់ និងស្រុកកូនមុំ ដែលកងកម្លាំងវិស្វកម្មសម្រេចការសាងសង់រួចរាល់ជាស្ថាពរ។ ថ្លែងក្នុងឱកាសនេះ ឯកឧត្តម គួច វែងស្រ៊ុនបានលើកឡើងថា ឆ្លើយតបទៅនឹងសំណូមពរនិងសេចក្តីត្រូវការចាំបាច់របស់ប្រជាពលរដ្ឋក្នុងស្រុកលំផាត់ និងស្រុកកូនមុំខេត្តរតនគិរីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា នៅក្នុងឱកាស អញ្ជើញ សម្ពោធ ទំនប់អូរតេធិបតីនៅខេត្តមណ្ឌលគរី កាលពីថ្ងៃទី២៤ ខែតុលា ឆ្នាំ ២០២៤ សម្តេចធិបតីសម្រេចអោយកងវិស្វកម្ម និងក្រសួងអភិវឌ្ឍន៍ជនបទចុះសិក្សាសាងសង់ស្ពានដែក បាឡេជូនប្រជាពលរដ្ឋ ទាំងពីរស្រុកទុកជាចំណងដៃតែម្តងដែលមានបណ្តោយ ២៧ម៉ែត្រ ទទឹង៤. ០២ម៉ែត្រ។ពោលគឺ ទីណាដែលមានប្រជាពលរដ្ឋជួបការលំបាក ទីនោះគឺត្រូវបានគិតគូយកចិត្តដោះស្រាយពីសំណាក់រាជរដ្ឋាភិបាលជាជានិច្ច។ បច្ចុប្បន្នស្ពាននៅចំណុចអូរទទឹង ស្ថិតក្នុងភូមិសាស្រ្ត ភូមិសាមខា ឃុំជ័យឧត្តម ស្រុកលំផាត់ និងភូមិនាងដី ឃុំសិរីមង្គលស្រុកកូនមុំ ខេត្តរតនគិរី […]

ខេត្តមណ្ឌលគិរី ៖ រថយន្តក្រុងដឹកមនុស្ស ប្រុសស្រីចំនួន ៤៦នាក់ ត្រូវបានជួបគ្រោះថ្នាក់ចរាចរណ៍ដោយខ្លួនឯង ពេលកំពុងធ្វើដំណើរចុះចំណោតកែងខ្លាំង។ ហេតុការណ៍បានកើតឡើងនៅវេលាម៉ោងជាង៩ព្រឹក ថ្ងៃទី៧ខែកុម្ភៈឆ្នាំ២០២៥ ស្ថិតក្នុងសង្កាត់រម្យនា ក្រុងសែនមនោរម្យ ខេត្តមណ្ឌលគិរី។ នេះបើតាមការឲ្យដឹងពីលោក ចាន់ ទិត្យ ស្នងការងការិយាល័យនគរបាលចរាចរណ៍ផ្លូវគោកនៃស្នងការដ្ឋាននគបាលខេត្តមណ្ឌលគិរី បានអោយដឹងថា មានរថយន្តក្រុងមួយគ្រឿងពាក់ស្លាកលេខ ៣D.៦៥.៨៤ បានធ្វើដំណើរពីរាជធានីភ្នំពេញ ឆ្ពោះទៅរមណីយដ្ឋានទឹកជ្រោះប៊ូស្រា មកដល់ចំណុចកើតហេតុ ក៏បានជ្រុលចង្កូតទៅបុកនឹងជញ្ជាំងភ្នំតែម្តង។ លោកបានបន្ថែមផងដែរថា ក្នុងរថយន្តក្រុងនោះមានអ្នករួមដំណើរសរុបចំនួន៤៦នាក់ (មានសង្ឃ០៣អង្គ) របួសធ្ងន់០៣នាក់ (ស្រី០២ ប្រុស០១) និងរបួសស្រាល ១១នាក់ (ស្រី០៤ ប្រុស០៧) នៅក្នុងហេតុការណ៍រថយន្តក្រុងបុកជញ្ជាំងភ្នំដោយខ្លួនឯងនោះមិនមាននរណាម្នាក់ គ្រោះថ្នាក់ដល់អាយុជីវិតនោះឡើយ៕

ភ្នំពេញ៖ លោកណន សុខហេង ជាអ្នកខេត្តក្រចេះ បានទទួលថវិការពីសម្តេចតេជោ «ហាងនំប៉័ងសម្ដេចតាចិត្តធម៌» ជាឈ្មោះយីហោហាងនំ​របស់​លោក ណន សុខហេង លើទឹកដីខេត្តក្រចេះ។ តើបងប្អូននៅចងចាំរឿងរ៉ាវរបស់លោក ណន សុខហេង ដែរទេ? លោក ណន សុខហេង ជាអ្នកខេត្តក្រចេះ ដែលរសាត់អណ្តែតឆ្ងាយផ្ទះ​ស៊ីឈ្នួលគេ ព្រោះខឹងថៅកែមិនបើកលុយឱ្យ ក៏ចាប់ឆ្កែរបស់គេទៅ។ បន្ទាប់​មកម្ចាស់ឆ្កែ បានប្តឹងលោក ណន សុខហេង ឡើងតុលាការ។ ក្រោយ​ដំណឹង​គួរឱ្យអាសូរនេះ បានឮដល់សម្តេចតេជោ ហ៊ុន សែន, សម្តេច​ក៏​បាន​​ជួយសម្របសម្រួលឱ្យរូបគេ បានរួចពីបណ្តឹង ហើយសម្តេច ​ក៏បាន​ឧបត្ថម្ភថវិកាចំនួន ១០,០០០ដុល្លារអាមេរិក និង ៣៥លានរៀល ព្រមទាំង​បានបង្កើតអាជីវកម្មឡដុតនំប៉័ង​មួយនៅក្នុង​ក្រុងក្រចេះ ខេត្តក្រចេះ ដល់​រូប​គេផងដែរ ដើម្បីប្រកបរបរចញ្ចឹមគ្រួសារ។ ជួបគ្រោះ ក៏ទទួលបានលាភ។ រាប់ចាប់ពីត្រឹមថ្ងៃដែលសម្តេចតេជោ បាន​ជួយរំដោះរូបគេពីបណ្តឹងរបស់ថៅកែ មកដល់ពេលនេះ មានរយៈពេល ៣ខែ ៥ថ្ងៃហើយ។ ពេលនេះលោក ណន សុខហេង បានធ្វើឡដុតនំបុ័ងរួចរាល់ ហើយក៏​រៀន​ចេះ​ពីវិធីដុតនំប័ុង និងបានចាប់ផ្ដើមអាជីវកម្មដុតនំប័ុង​លក់បាន៣​ថ្ងៃ​រួចហើយ ដោយបានដាក់ឈ្មោះហាងថា «ហាងនំប៉័ងសម្ដេចតាចិត្តធម៌»។ ជាមួយនឹងសមិទ្ធផលនេះ […]

ខេត្តរតនគិរី ៖ ក្រោយពីគោយន្តដឹកដំឡូងមីក្រឡាប់ផ្ងារជើង លើស្ពានឈើមួយខ្សែ ដែលបណ្ដាលមកពីការបាក់ស្ពានកាលពីព្រឹកថ្ងៃទី 2 កន្លងទៅនោះ ។ មកដល់បច្ចុប្បន្ន កម្លាំងអាជ្ញាធរស្រុកអណ្តូងមាស សហការ ជាមួយក្រុមហ៊ុន បានសាងសង់ស្ពានឈើថ្មី រួចរាល់ជាស្ថាពរហើយ ។ ជាក់ស្តែងកាលពីថ្ងៃទី ០៥ ខែកុម្ភៈ ឆ្នាំ២០២៥ វេលាម៉ោង២ និង ៣០នាទីរសៀល លោក ឡុក សេង តំណាងអោយអភិបាលស្រុកអណ្តូងមាស និង លោកមេឃុំ មេភូមិ ព្រមទាំងកម្លាំងប៉ុស្តិ៍ តាឡាវ បានចុះទៅត្រួតពិនិត្យមើលស្ថានភាពស្ពានឈើមួយខ្សែ ដែលទើបសាងសង់រួចប្រវែង១២ម៉ែត្រ មានទីតាំងស្ថិតនៅភូមិ អុីន ឃុំតាឡាវ ស្រុកអណ្តូងមាស ខេត្តរតនគិរី ត្រង់ចំណុច អូរកាតឹម ។ លោក ឡុក សេង តំណាងអភិបាលស្រុកបានឲ្យដឹងថា :  សម្រាប់ស្ពានឈើទ្រុឌទ្រោមផ្សេងទៀត យើងអាចដោះស្រាយជួសជុលតាមជាក់ស្តែង កន្លែងណាដែលពិបាកយើងនឹងផ្ដល់អាទិភាពទៅកន្លែងហ្នឹងមុន ប៉ុន្តែបើឲ្យធ្វើទាំងអស់តែម្ដង គឺវាមិនអាចទេ ។ បងប្អូនប្រជាពលរដ្ឋបានសម្ដែងការសប្បាយចិត្តជាខ្លាំងនិង អរគុណដល់ក្រុមហ៊ុន និង […]

ខេត្តរតនគិរី ៖ រសៀលថ្ងៃទី០៥ ខែកុម្ភៈឆ្នាំ២០២៥ ក្រោមអធិបតីភាព លោក កុល ផាន់ណា ប្រធានមន្ទីរព័ត៌មានខេត្តរតនគិរី ជាផ្នែកមួយនៃការអភិវឌ្ឍមូលធនមនុស្សដែលមានចំណេះជំនាញពិតប្រាកដ ក្នុងគោលដៅពង្រឹងគុណភាព នៃការផលិតព័ត៌មានឱ្យកាន់តែប្រសើរថែមទៀតមន្រ្តីជំនាញការិយាល័យទូរទស្សន៍ ការិយាល័យវិទ្យុ និងការិយាល័យ “AKP” នៃពីមន្ទីរព័ត៌មានខេត្តរតនគិរីសរុប១៧នាក់ បានទទួលការបណ្តុះបណ្តាលស្តីពីការសរសេរអត្ថបទដំណឹងខ្លី និងបច្ចេកទេសប្រើប្រាស់ម៉ាស៊ីនថតរូប  វគ្គបណ្តុះបណ្តាលនេះ ប្រារព្ធធ្វើឡើងនៅសាលប្រជុំមន្ទីរព័ត៌មានខេត្តរតនគិរី។ ថ្លែងក្នុងពិធីបើកវគ្គបណ្តុះបណ្តាលនេះលោក កុល ផាន់ណា បានលើកឡើងថា នេះជាលើកទីមួយសម្រាប់មន្ទីរព័ត៌មានខេត្តរតនគិរី ដែលបានធ្វើការចែករំលែកបទពិសោធន៍ចំណេះដឹង ពីអ្នកចេះច្រើន បង្រៀនចេះតិចហើយអ្នកចេះតិចបង្រៀនអ្នកមិនចេះសោះ លើផ្នែកសរសេរព័ត៌មាននិង ផ្នែកថតរូបភាពសម្រាប់មន្ត្រីក្រោមឱវាទរបស់ខ្លួន។ លោកបន្តថា លោកនឹងរៀបចំអោយមាន ការចែករំលែកនេះរៀងរាល់១ខែ រឺ២ខែម្តងពីព្រោះថាការចែករំលែកបទពិសោធនិងចំណេះដឹងនេះពិតជាមានសារ:សំខាន់ខ្លាំងណាស់សម្រាប់មន្ត្រីនៃមន្ទីរព័ត៌មានខេត្ត។ ហើយលោក សង្ឃឹមថា ចំណេះដឹងជាមូលដ្ឋានពីជំនាញសរសេរអត្ថបទនិងប្រើប្រាស់ម៉ាស៊ីនថតរូប ដែលមន្រ្តីមន្ទីរព័ត៌មានខេត្តរតនគិរី បានចែករំលែកគ្នានាពេលនេះ នឹងគាំទ្របន្ថែមដល់ការផលិតព័ត៌មានអោយកាន់តែមានគុណភាពខ្ពស់ ស្របតាមការរីកចម្រើនសង្គមក្នុងបរិបទឌីជីថល៕

ខេត្តរតនគិរី ៖ ក្រុមប្រឹក្សាខេត្តរតនគិរី នៅព្រឹកថ្ងៃទី០៤ ខែកុម្ភៈ ឆ្នាំ២០២៥នេះ បានបើកកិច្ចប្រជុំសាមញ្ញលើកទី៩របស់ខ្លួន កិច្ចប្រជុំប្រារព្ធធ្វើឡើងនៅសាលប្រជុំអគារ”A”សាលាខេត្ត ក្រោមអធិបតីភាព ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្ត និងឯកឧត្តម ញ៉ែម សំអឿន អភិបាលខេត្តរតនគិរី។ របៀបវារៈសំខាន់ៗដែលនឹងត្រូវធ្វើការអនុម័តរួមមាន៖ -ពិនិត្យពិភាក្សា និងអនុម័ត សេចក្តី ព្រាងកំណត់ហេតុកិច្ចប្រជុំសាមញ្ញលើកទី៨របស់ ក្រុមប្រឹក្សាខេត្ត។ -ពិនិត្យពិភាក្សា និងអនុម័ត សេចក្តីព្រាងរបាយការណ៍ប្រចាំខែមករា និងលើកទិសដៅ ការងារប្រចាំខែកុម្ភៈ ឆ្នាំ២០២៥ របស់រដ្ឋបាលខេត្ត។ -ពិនិត្យពិភាក្សា និងអនុម័ត ស្តីពីការបិទបញ្ជីចំណូល-ចំណាយថវិកា និងរបាយការណ៍ បូកសរុបសម្រេចទូទាត់ថវិការបស់រដ្ឋបាលខេត្តរតនគិរីប្រចាំឆ្នាំ២០២៤។ នៅក្នុងកិច្ចប្រជុំនេះ ឯកឧត្តម ណាប់ប៊ុន ហេង ប្រធានក្រុមប្រឹក្សាខេត្ត បានថ្លែងការកោត សរសើរ និងវាយតម្លៃខ្ពស់ ចំពោះលទ្ធផលនៃកិច្ចប្រជុំ និងការអភិវឌ្ឍសមិទ្ធផលរបស់ខេត្តដែលបានមកពីកិច្ចខិតខំប្រឹងប្រែងយកចិត្តទុកដាក់ចូលរួមពីឯកឧត្តម លោកជំទាវ លោក លោកស្រី មន្ត្រីរាជការក្នុងខេត្តរតនគិរី មន្ទីរអង្គភាពដែលចំណុះអោយរដ្ឋបាលខេត្តកាន់ តែមានប្រសិទ្ធភាពនិងទទួលបានជោគជ័យ ជាបន្តបន្ទាប់ ។ ថ្លែងក្នុងកិច្ចប្រជុំនេះផងដែរ ឯកឧត្តម […]

ខេត្តមណ្ឌលគិរី ៖ ដើម្បីភាពល្អស្អាតនៃបរិស្ថាន និងការកាត់បន្ថយផលប៉ះពាល់ពីសំណល់ថង់ប្លាស្ទិក ក្រសួងបរិស្ថានបានសហការជាមួយរដ្ឋបាលខេត្តមណ្ឌលគិរី និងអង្គការ wwf បានរៀបចំយុទ្ឋនាការផ្សព្វផ្សាយ«ថ្ងៃនេះខ្ញុំមិនប្រើថង់ប្លាស្ទិកទេ និងកម្ពុជាស្អាត ខ្មែរធ្វើបាន» ដែលប្រារព្ឋឡើងនៅបរិវេណសួនដំរីដែក ក្នុងក្រុងសែនមនោរម្យ នាថ្ងៃទី៣១ ខែមករា ឆ្នាំ២០២៥ ។ ឯកឧត្តម ថង សាវុន អភិបាលខេត្តមណ្ឌលគិរី មានប្រសាសន៍ថា ដើម្បីសម្រេចបាននូវគោលបំណងខាងលើនេះ យើងត្រូវដាក់ចេញ និងកំណត់នូវសកម្មភាពជាក់លាក់ ក្នុងការអនុវត្តការងារឱ្យទទួលបានជោគជ័យប្រកបដោយប្រសិទ្ធភាពខ្ពស់ ដែលត្រូវជំរុញឱ្យ មានការយកចិត្តទុកដាក់ និងចូលរួមពីគ្រប់ភាគីពាក់ព័ន្ធទាំងអស់។ ឯកឧត្តម បន្តថា គ្រប់អ្នកពាក់ព័ន្ធដែលមានវត្តមាននៅក្នុងអង្គពិធីនាពេលនេះ ជាពិសេស ប្អូនៗ ក្មួយៗ ជាយុវជន សិស្សានុសិស្ស ត្រូវចូលរួមចំណែកយ៉ាងសំខាន់ និងសស្រាក់សស្រាំ តាមរយៈការក្រេបយកចំណេះដឹងពាក់ព័ន្ធនឹងកិច្ចការងារនេះ និងចូលរួមចំណែកអនុវត្តឱ្យបានល្អប្រសើរទាំងអស់គ្នា។ ក្នុងនាមអាជ្ញាធរខេត្ត សង្ឃឹមយ៉ាងមុតមាំថា សិស្សានុសិស្សមានការយល់ដឹងអំពីផលប៉ះពាល់មួយចំនួនទាក់ទង និងសំណល់រឹង និងសំណល់ប្លាស្ទិក ចំពោះសុខភាព និងបរិស្ថាន យល់ដឹងពីការញ៉ែកសំណល់ទៅតាមប្រភេទ និងចូលរួមអនុវត្តបានល្អប្រសើរទាំងអស់គ្នា ដើម្បីកម្ពុជាស្អាត កម្ពុជា គ្មានថង់ប្លាស្ទិក ខ្មែរធ្វើបាន តាមរយៈការប្តេជ្ញាចិត្ត ថ្ងៃនេះ […]

ខេត្តរតនគិរី ៖ នេះបើរបាយការណ៍ របស់មន្ទីរទេសចរណ៍ខេត្តរតនគិរី ដែលបានបង្ហាញអោយដឹងនៅរសៀលថ្ងៃទី៣១ ខែមករា ឆ្នាំ២០២៥។ របាយការណ៍ដដែលបញ្ជាក់ថា ក្នុងចំនួន ៨,៤៩៥នាក់នេះ មានភ្ញៀវទេសចរអន្តរជាតិ មានចំនួន ១៥៦នាក់ មានការកើនឡើង ១៧.២៩%។ ភ្ញៀវទេសចរជាតិ ៨,៣៣៩នាក់ មានការកើនឡើង២.៣២%។សរុបភ្ញៀវទេសចរទាំងជាតិ និងអន្តរជាតិ មានចំនួន ៨,៤៩៥នាក់ មានការកើនឡើង ២.៥៦%។ ចំពោះសេវាកម្មស្នាក់នៅ និងសេវាកម្មម្ហូបអាហារនិងសេវាកម្មដឹកជញ្ជូនភ្ញៀវពុំមានការតម្លើងថ្លៃគួរអោយកត់សំគាល់ឡើយ។ ហើយសោភ័ណ្ឌភាពទីប្រជុំជន និងទីក្រុង និងតាមបណ្តាស្រុកនានាក្រោមការដឹកនាំពីសំណាក់ ឯកឧត្តម ញ៉ែម សំអឿន អភិបាល នៃគណៈខេត្ត មានការរៀបចំភ្លើងបំភ្លឺតាមទីសាធារណៈ តាមបណ្តាអង្គភាពរបស់រដ្ឋ និងវិស័យឯកជន ដើម្បីលើកស្ទួយ សោភ័ណភាពទីក្រុង ក្នុងការផ្តល់សេវាកម្មជូនប្រជាពលរដ្ឋក្នុងខេត្ត ក៏ដូចភ្ញៀវទេសចរជាតិនិងអន្តរជាតិ ដែលបានមកទស្សនាខេត្តរតនគិរីបានយ៉ាងល្អ។ សូមបញ្ជាក់ផងដែរថា៖ ក្នុងរយៈពេលពេល៣ថ្ងៃ(២៩-៣១)ក្នុងឱកាសពិធីបុណ្យចូលឆ្នាំចិន-វៀតណាម ឆ្នាំ២០២៥ ប្រជាពលរដ្ឋភាគច្រើន ក្នុងខេត្តរតនគិរី មានការជួបជុំគ្នា ជប់លៀងនៅតាមគេហដ្ឋាន ទីកន្លែងកំសាន្តនានា និងច្រៀងខារ៉ាអូខេកំសាន្តសប្បាយជាលក្ខណៈគ្រួសារផងដែរ។ ដោយឡែកនៅតាមតំបន់រណីយដ្ឋានទេសចរណ៍នានាក្នុងខេត្ត មានការគ្រប់គ្រងបរិស្ថាន សណ្តាប់ធ្នាប់ បានល្អប្រសើរ ក្រោយពីបានការណែនាំរបស់ក្រុមកាងារមន្ទីរទេសចរណ៍ខេត្ត៕

ខេត្តរតនគិរី ៖ ការថ្លែងអំណរគុណរបស់បងប្អូនប្រជាពលរដ្ឋ ខាងលើនេះ គឺនៅក្នុងឱកាសដែលបងប្អូនបានអញ្ជើញចូលរួមស្ដាប់ការផ្សព្វផ្សាយ របស់រដ្ឋបាលសង្កាត់បឹងកន្សែង ក្រុងបានលុង ស្តីពី សេចក្តីជូនដំណឹងរបស់ប្រាជរដ្ឋាភិបាលកម្ពុជា ដាក់អោយដំណើរការកម្មវិធីផ្ដល់ដី ការពារព្រៃដើម្បីរួមគ្នាអភិវឌ្ឍដោយចីរភាព នា ព្រឹកថ្ងៃទី ៣០ ខែមករាឆ្នាំ ២០២៥។ ប្រជាពលរដ្ឋដែលចូលរួមស្តាប់ នូវការផ្សព្វផ្សាយ និងពន្យល់បន្ថែម ពី អាជ្ញាធរសង្កាត់បឹងកន្សែង នាឱកាសនេះ បានសម្តែងនូវក្តីរំភើបរីករាយ និងគាំទ្រយ៉ាងក្លៀវក្លា ចំពោះគម្រោងផ្តល់ដីនេះ ពីព្រោះថា អ្នកក្រីក្រ ពិតប្រាកដ មានឱកាសទទួលបានដី សម្រាប់បង្ករបង្កើនផលប្រកបដោយភាពកក់ក្តៅ និងបានគោរពថ្លែងអំណរគុណ ដល់សម្តេច មហាបវរធិបតី ហ៊ុន ម៉ា ណែត ប្រមុខរាជរដ្ឋាភិបាលកម្ពុជា  ដែលបានគិតគូរ ពីសុខទុកប្រជាពលរដ្ឋ ជា ពិសេស ប្រជាពលរដ្ឋក្រីក្រពិតប្រាកដ។ សូមបញ្ជាក់ថា កម្រោងកម្មវិធីផ្ដល់ដីការពារព្រៃដើម្បីរួមគ្នាអភិវឌ្ឍដោយចីរភាពនេះ ក្នុងគោលបំណងបង្កើនការពារនិងអភិរក្សធនធានធម្មជាតិប្រកបដោយចីរភាពសម្រាប់កូនចៅជំនាន់ក្រោយផងនិងបង្កើតប្រសិទ្ធភាពផលិតភាពនៃការប្រើប្រាស់ដីរដ្ឋផងតាមរយៈការផ្គត់ផ្គង់ដីក្រោមទម្រង់សម្បទានសេដ្ឋកិច្ចសង្គមកិច្ចជូនដល់ប្រជាពលរដ្ឋ ក្រីក្រ គ្មានទីលំនៅឋានដីកសិកម្មនិងការគាំទ្រគម្រោងអភិវឌ្ឍសហគមន៍។ ព្រមទាំងការពារនៅជិតទីតាំងផ្ដល់ដីប្រកបដោយចីរភាព។ហើយកម្មវិធីផ្ដល់ដីនេះនៅក្នុងតំបន់មួយចំនួនជូនដល់ប្រជាពលរដ្ឋក្រីក្រគ្មានដីពិតប្រាកដប្រកបដោយសមធម៌ដើម្បីរួមគ្នាកសាងសហគមន៍ក្នុងការប្រើប្រាស់អាស្រ័យ ផលនិងការពារព្រៃ និងដីរដ្ឋសម្រាប់ការអភិវឌ្ឍ។ នៅក្នុងសេចក្តីជូនដឹង បានលើកឡើងថា គណៈកម្មាធិការជាតិដឹកនាំអនុវត្តកម្មវិធីផ្ដល់ដីការពារព្រៃដើម្បីរួមគ្នាការអភិវឌ្ឍ ដោយចីរភាពនេះ បានសម្រេចអនុវត្តកម្មវិធីជំហានទីមួយដែលមានទីតាំងកម្មវិធីដល់ដីការពារព្រៃរួមគ្នាអភិវឌ្ឍដោយចីរភាពស្ថិតនៅចំណុច […]